400 वर्षे जुन्या घराखाली आढळली अशी वस्तू, पाहून तुम्हालाही बसेल धक्का...
By ऑनलाइन लोकमत | Published: August 20, 2021 02:07 PM2021-08-20T14:07:51+5:302021-08-20T14:12:10+5:30
Weird Thing found: या 400 वर्षे जुन्या घरात घडलेल्या घटनेचा व्हिडिओ सध्या सोशल मीडियावर चांगला व्हायरल होत आहे.
लंडन: जेव्हा तुम्ही एखादी जुनी मालमत्ता खरेदी करता आणि तिचे नूतनीकरण करता, तेव्हा तुमच्या मनाविरोधात काही ना काही गोष्टी घडताच.
युनायटेड किंगडममध्ये राहणाऱ्या एका महिलेच्या बाबतीतही असच घडलं आहे. तिला तिच्या 400 वर्षे जुन्या घराच्या बेडरुममध्ये अशी वस्तू सापडली, जी पाहून तिला मोठा धक्का बसला.
मिररमध्ये छापून आलेल्या एका रिपोर्टनुसार, एके दिवशी महिला आपल्या घरातील बेडरुममध्ये झोपली होती, तेव्हा तिला एक विचित्र वास आला. त्यानंतर हा वास कुठून येतोय, याचा तिनं खुप शोध घेतला.
अखेर महिलेनं जेव्हा पलंग हलवला आणि त्याखाली आंथरलेले कार्पेट काढलं, तेव्हा तिला धक्का बसला. तया कार्पेटखाली एक मॅन होल होतं, जे थेट शहरातील मोठ्या नाल्याला जोडलेलं होतं.
हे घर एका नाल्यावर बांधलेलं आहे, हे महिलेला आधी माहित नव्हतं. य घराखाली असं काही सापडेल, याची थोडीही कल्पना त्या महिलेनं केली नव्हती.
हे मॅन होल सापडल्यानंतर महिलेनं या घटनेचा एक व्हिडिओ बनवून टिकटॉकवर पोस्ट केला. हा व्हिडिओ आता प्रचंड व्हायरल होत असून, आतापर्यंत 35,000 पेक्षा जास्त लोकांनी याला लाइट केलं आहे.
या व्हिडिओवर युझर विविध कमेंट्स करत आहेत. एका युझरने लिहीलं, तुम्ही या मॅनहोलवर एक काच ठेवून त्यात लायटिंग लावा आणि घरातील डेकोरेटीव्ह वस्तू म्हणून वापरा.