World Health Organization: WHO ने वाढवला आत्मविश्वास; 2022 मध्ये कोरोना महामारीचा अंत होईल, पण...

WHO (जागतिक आरोग्य संघटना) प्रमुख डॉ. टेड्रस अधानोम यांनी 2022 हे कोरोना महामारीचे शेवटचे वर्ष असू शकते, असा विश्वास व्यक्त केला आहे.

नवी दिल्ली: ओमायक्रॉनच्या झपाट्याने वाढणाऱ्या प्रकरणांच्या पार्श्वभूमीवर जागतिक आरोग्य संघटना (WHO) प्रमुख डॉ. टेड्रस अधानोम यांनी 2022 हे कोरोना महामारीचे शेवटचे वर्ष असू शकते, असा अंदाज व्यक्त केला आहे. पण, यासाठी विकसित देशांना त्यांची लस इतर देशांसोबत शेअर करावी लागेल, असेही ते म्हणाले.

WHO च्या संचालकांना खात्री आहे की, 2022 मध्ये कोरोना महामारी संपेल. पण संकुचित राष्ट्रवाद आणि लस साठेबाजी अडसर ठरू शकते. डॉ. टेड्रस म्हणतात की, लसीच्या असमानतेमुळे ओमायक्रॉन सारख्या व्हेरिएंटची वाढ होण्यासाठी चांगली परिस्थिती निर्माण झाली आहे.

लसीची विषमता जितकी जास्त असेल तितका विषाणू विकसित होण्याचा धोका जास्त असतो. त्याची आपण कल्पनाही करू शकत नाही, असं ते म्हणाले.

ताज्या आकडेवारीवरुन असे दिसून आले आहे की, जगातील अनेक भाग लसीकरणाबाबत अजूनही खूप मागे आहेत. बुरुंडी, डेमोक्रॅटिक रिपब्लिक ऑफ कांगो, चाड आणि हैती सारख्या देशांमध्ये पूर्ण लसीकरण झालेल्या लोकसंख्येच्या एक टक्‍क्‍यांपेक्षा कमी आहेत.

पण, उच्च उत्पन्न असलेल्या देशांमध्ये हा आकडा 70 टक्क्यांहून अधिक असल्याचा अंदाज आहे. या असमानतेला सामोरे गेल्यावरच आपण सामान्य जीवनात परतण्याची कल्पना करू शकतो, असं डॉ. टेड्रस म्हणाले.

आपल्या निवेदनात ते पुढे म्हणाले, आपण विषमता दूर केली तर महामारी संपेल. ग्लोबल व्हॅक्सिन फॅसिलिटी COVAX, WHO आणि आमचे भागीदार जगभरातील लोकांसाठी लस, चाचण्या आणि उपचार उपलब्ध करुन देण्यासाठी काम करत आहेत.

या लसीच्या आधारे आतापर्यंत लाखो लोकांचे प्राण वाचले आहेत. कोविड-19 रोखण्यासाठी आणि उपचार करण्यासाठी डॉक्टरांकडे नवीन औषधे आणि वैद्यकीय साधने देखील उपलब्ध आहेत.

डॉ. टेड्रस पुढे म्हणतात, ताज्या आकडेवारीवरुन असे दिसून आले आहे की, कोविड-19 च्या रुग्णालयात दाखल झालेल्या रुग्णांपैकी 80 टक्क्यांहून अधिक रुग्ण बूस्टर डोस न दिलेला आहेत.

यूके हेल्थ सेक्रेटरी एजन्सी (UKHSA) नुसार, हॉस्पिटलमध्ये दाखल झालेल्या उत्परिवर्ती 815 पैकी 608 प्रकरणांना लसीचा बूस्टर डोस दिला गेला नाही.

UKHSA ने जारी केलेला डेटा सूचित करतो की, बूस्टर डोस ओमायक्रॉनमध्ये हॉस्पिटलायझेशनचा धोका 88 टक्क्यांपर्यंत कमी करू शकतो. तुम्ही लसीकरण न केल्यास तुम्हाला रुग्णालयात दाखल होण्याची शक्यता 8 पटीने जास्त आहे.