एस्कलेटरचा ब्रश शूज स्वच्छ करण्यासाठी नसतो; जाणून घ्या त्यामागचं लॉजिक

many thinks that escalators have brushes to clean shoes. but there are security reasons behind it that many persons don't know

एस्कलेटर्समुळे अनेकांचं दैनंदिन आयुष्य सुखकर झालंय. ज्येष्ठ नागरिकांना याचा सर्वाधिक फायदा होतो.

एस्कलेटर्स अर्थात सरकत्या जिन्यांमुळे दररोज जिना चढण्याचे श्रम वाचतात. त्यामुळे आता अनेक जण एस्कलेटर्सच्या वापराला पसंती देतात.

गेल्या काही वर्षांमध्ये देशातल्या रेल्वे स्थानकांवर एस्कलेटर्स लावण्यात आले. दररोज कोट्यवधी प्रवासी एस्कलेटर्सचा वापर करतात.

अनेकदा शेजारी जिने असूनही एस्कलेटर्सचा वापर होतो. विशेष म्हणजे कित्येक ज्येष्ठ नागरिकही या नव्या तंत्रज्ञानाचा अतिशय सराईतपणे वापर करतात. गुडघेदुखीसारखा त्रास असलेल्या अनेक ज्येष्ठ नागरिकांना एस्कलेटर्समुळे दिलासा मिळालाय.

तुम्ही एस्कलेटरचा वापर केला असल्यास, पायाजवळ असणाऱ्या ब्रशनं तुमचं लक्ष नक्की वेधलं असेल. अनेक जण या ब्रशनं चपलांवरील, बुटांवरील धूळ झाडून घेतात.

पायाजवळ ब्रश दिलाय याचा अर्थ तो शूज स्वच्छ करण्यासाठीच दिला असेल, असा अनेकांचा समज आहे. मात्र तो पूर्णपणे चुकीचा आहे.

एस्कलेटरवर असणाऱ्या ब्रशमागे महत्त्वाचं कारण आहे आणि त्याचा थेट संबंध एस्कलेटरच्या आणि त्याचा वापर करणाऱ्यांशी संबंधित आहे.

एस्कलेटर्सचे अपघात लक्षात घेतल्यास दोन प्रकार ठळकपणे लक्षात येतात. दोन पायऱ्यांमध्ये पाय आल्यानं आणि एस्कलेटर सुरू असताना त्याच्या बाजूला (ब्रशजवळ) पाय अडकल्यानं होणाऱ्या अपघातांचं प्रमाण मोठं आहे.

एस्कलेटर्सच्या पायऱ्यांच्या कोपऱ्यात पाय अडकून होणारे अपघात टाळण्यात ब्रश महत्त्वाची भूमिका बजावतात. एस्कलेटरच्या पायऱ्यांवर शक्य तितक्या मध्यभागी राहा. अगदी कोपऱ्यात उभे राहू नका, याची सूचना देण्यासाठी ब्रश लावले असतात.

एस्कलेटरच्या पायऱ्यांच्या कोपऱ्याजवळ उभे असताना पाय, शूजची लेस, कपडे अडकू नयेत याची काळजी ब्रश घेत असतो. त्यामुळे अपघात टाळता येतात.

एस्कलेटरच्या यंत्रणेत केस, धूळ, कचरा जाऊ नये याचीही काळजी ब्रश घेतो. त्यामुळे एस्कलेटरचं काम सुरळीत सुरू राहतं.

एस्कलेटरमध्ये कचरा अडकल्यास त्याचा स्फोट होण्याचीही शक्यता असते. अशी दुर्घटना टाळण्याचं महत्त्वाचं काम ब्रश करतात.

एस्कलेटर्सचा वापर १८९२ मध्ये सुरू झाला. १९८७ मध्ये एस्कलेटर्सचा सर्वात भीषण अपघात झाला.

लंडनमधल्या भूमिगत स्थानकावर झालेल्या अपघातात ३१ जणांचा मृत्यू झाला. एस्कलेटरमध्ये कागद, जखमेवर बांधायचं कापड अडकल्यानं ही दुर्घटना घडल्याचं नंतर समोर आलं.