अबब! 1 लाखांपेक्षा जास्त घरे, 4 हजार अब्ज खर्च...'इथे' तयार होत आहे जगातील सगळ्यात उंच इमारत!
By ऑनलाइन लोकमत | Published: October 26, 2024 02:41 PM2024-10-26T14:41:06+5:302024-10-26T15:27:30+5:30
Mukaab Building : सौदी प्रिन्स मोहम्मद बिन सलमानचा मुकाब बनवण्याचा उद्देश सौदी अरबच्या रिटेल, कॉर्पोरेट आणि कल्चरल एक्सपीरिअन्सला प्रदर्शित करणं आहे.
Mukaab Building : सौदी अरबची राजधानी रियादमध्ये 400 मीटर क्यूबची ऐतिहासिक इमारत 'द मुकाब' चं निर्माण कार्य सुरू झालं आहे. तयार झाल्यावर ही बिल्डींग जगातील सगळ्यात उंच बिल्डींग ठरेल. ही विशाल बिल्डींग 20 लाख वर्ग मीटर इतक्या विशाल परिसरात बनवली जाते आहे.
मीडिया रिपोर्टनुसार, मुकाब बिल्डींग बनवण्यासाठी साधारण 50 बिलियन अमेरिकन डॉलर म्हणजे जवळपास 4000 अब्ज रूपये लागणार आहेत. ही बिल्डिंग न्यू मुरब्बा नावाच्या एका जिल्ह्यात बनवली जात आहे. ज्यात तब्बल 1 लाख 4 हजार घरे असतील. सौदी प्रिन्स मोहम्मद बिन सलमानचा मुकाब बनवण्याचा उद्देश सौदी अरबच्या रिटेल, कॉर्पोरेट आणि कल्चरल एक्सपीरिअन्सला प्रदर्शित करणं आहे.
ही बिल्डींग अशा पद्धतीने डिझाइन करण्यात आली आहे की, ही जगातील सगळ्यात बेस्ट टुरिस्ट पॅलेस बनेल. या बिल्डींगमध्ये हेही निश्चित केलं जाईल की, स्थानिक आणि परदेशी लोकांसाठी मुरब्बा शहर व्यापाराचं केंद्र बनावं.
सौदी अरबने याआधी जेद्दा टॉवर बनवण्याचा प्लान केला होता. ही जगातली सगळ्यात उंच इमारत ठरणार होती. पण 2018 मध्ये या बिल्डींगचं बांधकाम रोखण्यात आलं.
सध्या संयुक्त अरब अमीरातमध्ये दुबईतील बुर्ज खलीफा जगातील सगळ्यात उंच इमारत आहे. ही बिल्डींग 830 मीटर उंच आहे आणि यात 163 मजले आहेत.
मलेशियाची राजधानी क्वालालंपूर येथील मर्डेका जगातील दुसरी सगळ्यात उंच बिल्डींग आहे. याची उंची 678.9 मीटर आहे. ही बिल्डींग पीएनबी 118 नावानेही ओळखली जाते.
चीनच्या शांघाय येथील शांघाय टॉवर जगातील तिसरी सगळ्यात उंच बिल्डींग आहे. 128 मजले असलेल्या या बिल्डींगची उंची 632 मीटर आहे.