Corona Virus : सावध राहा! पुढचे 20-35 दिवस भारतासाठी खूप महत्त्वाचे; कोरोनाचा 'हा' ट्रेंड देतोय धोक्याचा इशारा

Corona Virus : चीनमध्ये कोरोनाचा कहर पाहता, भारत देखील अलर्ट मोडमध्ये आला आहे आणि संभाव्य धोके लक्षात घेऊन खबरदारी घेण्यास सुरुवात केली आहे.

कोरोनाने संपूर्ण जगाला विळखा घातला आहे. अनेक ठिकाणी गंभीर परिस्थिती निर्माण झाली आहे. चीन, जपान आणि अमेरिकेसह जगातील अनेक देशांमध्ये कोरोना संसर्गाचा (कोविड 19) विस्फोट झाला आहे. चीनमध्ये कोरोनाचा कहर पाहता, भारत देखील अलर्ट मोडमध्ये आला आहे आणि संभाव्य धोके लक्षात घेऊन खबरदारी घेण्यास सुरुवात केली आहे.

कोरोनामुळे पुढील 20 ते 35 दिवस भारतासाठी खूप महत्त्वाचे आहेत. कारण असा ट्रेंड बर्‍याच दिवसांपासून दिसत आहे की कोरोना चीन, कोरिया, जपान, युरोप, अमेरिका, ब्राझील मार्गे दक्षिण आशियामध्ये येतो आणि त्याला 20 ते 35 दिवस लागतात. हा ट्रेंड शेवटचा कोरोनाच्या पहिल्या आणि दुसऱ्या लाटेत दिसला होता.

चीनमध्ये परिस्थिती नियंत्रणाबाहेर गेल्यानंतर या विषाणूने जगभर हाहाकार माजवण्याचा प्रवास सुरू केला आहे. केंद्रीय आरोग्य मंत्रालयाच्या सूत्रांनी दिलेल्या माहितीनुसार, भारतात कोरोनाचा प्रवेश होण्यास अजूनही वेळ आहे. या संपूर्ण प्रवासात, कोरोना व्हायरसला सरासरी 20 ते 35 दिवस लागू शकतात.

अशा परिस्थितीत, पुढील 20 दिवसांमध्ये आपण पूर्ण तयारी करणे आवश्यक आहे, जेणेकरून कोणत्याही प्रकारची धोकादायक परिस्थिती टाळता येईल. आरोग्य मंत्रालयाच्या सूत्रांनी दिलेल्या माहितीनुसार, अचानक उद्भवलेली ग्राउंड परिस्थिती आणि कोरोनाबाबतची तयारी यामागे एक खास कारण आहे.

जेव्हा-जेव्हा कोरोना व्हायरसने भारतात दार ठोठावले आहे आणि लाट आली आहे, तेव्हा एक विशेष ट्रेंड आला आहे. चीनपासून सुरू झालेला कोरोना दक्षिण आशियात कोरिया, जपान, युरोप, अमेरिका, त्यानंतर ब्राझीलमार्गे प्रवेश करतो आणि या प्रवेशासाठी 20 ते 35 दिवस लागतात.

कोरोनाच्या प्रवासात चीन, कोरिया, जपान, युरोप, अमेरिका, ब्राझील नंतर दक्षिण आशियामध्ये येतो आणि अशा प्रकारे 20 ते 35 दिवसात भारतात पोहोचतो. अद्याप परिणाम नाही, परंतु भीती नाकारू नका. म्हणून, नवीन स्ट्रेन किंवा रूपे ओळखणे आवश्यक आहे आणि चाचणी आणि जीनोम सिक्वेंसिंग वाढवणे देखील आवश्यक आहे.

चीनमधून बाहेर आल्यानंतर हा व्हायरस किती धोकादायक असेल हे सांगणे कठीण आहे. हे शक्य आहे की म्यूटेट होऊन तो एक सामान्य व्हायरस बनू शकतो, परंतु हे देखील शक्य आहे की म्यूटेट होण्याआधी अधिक धोकादायक बनू शकतो. अशा परिस्थितीत, मोठ्या प्रमाणात दक्षता घेणे आणि कोरोना प्रोटोकॉलचे पालन करणे आवश्यक आहे. एका हिंदी वेबसाईटने याबाबतचे वृत्त दिले आहे.

देशातील तज्ज्ञांच्या म्हणण्यानुसार, भारतात चीनसारखी परिस्थिती निर्माण होण्याची शक्यता ही कमी आहे. देशाने कोरोनाच्या तिसऱ्या लाटेचा सामना केला आहे. गेल्या वर्षी डेल्टा व्हेरिएंटमुळे परिस्थिती बिघडण्याची शक्यता होती पण असं झालं नाही. तसेच 20 डिसेंबरला 3559 सक्रिय रुग्ण आढळले आहेत.

भारतात मोठ्या प्रमाणात लसीकरण देखील करण्यात आलं आहे. त्यामुळेच कोरोनाचा प्रभाव जाणवणार नाही. आपण आधीच या सगळ्याची किंमत चुकवली आहे असं अनुराग अग्रवाल यांनी म्हटलं आहे. तसेच चीनमध्ये जे होत आहे त्याचा भारतावर परिणाम होणार नाही कारण येथे नवा व्हेरिएंट आलेला नाही.

केंद्रीय आरोग्य सचिव राजेश भूषण म्हणाले की, अशा प्रकारच्या चाचण्यांमुळे देशातील नवीन प्रकाराचा वेळेवर शोध घेणे शक्य होईल. जिनोम सिक्वेंसिंग ही अशी चाचणी आहे ज्यामध्ये आरएनए रेणुचा उपयोग करून आनुवंशिक माहिती मिळविली जाते. याशिवाय या विषाणूत किती बदल झाले आहेत, तो शरीरात कसा प्रवेश करतो आणि त्याची संसर्ग क्षमता काय आहे अशी सर्व माहिती यातून मिळते.