CoronaVirus News : कर्तव्यनिष्ठेला सलाम! 9 महिन्यांची गर्भवती नर्स करतेय कोरोनाग्रस्तांची सेवा, पंतप्रधानांनी केलं कौतुक
By ऑनलाइन लोकमत | Published: May 12, 2020 01:21 PM2020-05-12T13:21:17+5:302020-05-12T13:50:18+5:30
CoronaVirus Marathi News and Live Updates: डॉक्टर आपल्या जीवाची पर्वा न करता कोरोनाग्रस्तांच्या मदतीसाठी तत्पर असलेले पाहायला मिळत आहे. अशीच एक प्रेरणादायी घटना समोर आली आहे.
भारतातील कोरोनाग्रस्तांचा आकडा वाढून 70,000 वर पोहोचला आहे. कोरोनाने देशातील 2200 हून अधिक जणांना आपला जीव गमवावा लागला आहे.
डॉक्टर आपल्या जीवाची पर्वा न करता कोरोनाग्रस्तांच्या मदतीसाठी तत्पर असलेले पाहायला मिळत आहे. अशीच एक प्रेरणादायी घटना समोर आली आहे.
कोरोना व्हायरसपासून रुग्णांचा बचाव करता यावा यासाठी सर्वच वैद्यकीय क्षेत्रातील लोक अहोरात्र काम करत आहे. याच दरम्यान 9 महिन्यांची गर्भवती नर्स कोरोनाग्रस्तांवर उपचार करत आहे.
रूपा राव असं या 9 महिन्यांच्या गर्भवती नर्सचं नाव असून ती कर्नाटकातील शिवमोगा येथे राहते.
कर्नाटकातील एका सरकारी रुग्णालयात दररोज 6 तास ड्यूटी करून ती कोरोनाग्रस्तांची सेवा करत आहे.
पंतप्रधान नरेंद्र मोदी यांनी देखील रूपा राव यांच्या कामाचं कौतुक केलं आहे. मोदींनी आपल्या ट्विटर अकाऊंटवरून याबाबत ट्विट केलं आहे.
9 महिन्यांच्या या गर्भवती रुपाला आराम करण्याचा सल्ला देण्यात आला आहे. मात्र तरी ती कोरोनाग्रस्तांसाठी 6 तास काम करत आहेत.
'सरकारी रुग्णालयात आजूबाजूच्या गावातील लोक येतात. त्यामुळे लोकांना माझी गरज आहे. माझ्या वरिष्ठांनी मला सुट्टी घेण्यास सांगितले होते. मात्र मला लोकांची सेवा करायची आहे' असं रुपा यांनी म्हटलं आहे.
रुग्णालयातील डॉक्टरांसह सर्वांनीच रुपाच्या कर्तव्यनिष्ठेला सलाम केला आहे. सर्वत्र तिचं कौतुक होत आहे.
गजानुरू गावात राहणारी रूपा रोज रुग्णांची सेवा करण्यासाठी थिरथाहल्लीच्या सरकारी रुग्णालयात येते. न थकता, न थांबता रुग्णांची सेवा करते.
काही दिवसांपूर्वी कोरोनाग्रस्तांवर उपचार करता यावे यासाठी 8 महिन्यांच्या गर्भवती नर्सने तब्बल 250 किमीचा प्रवास केल्याची प्रेरणादायी घटना समोर आली होती.
विनोथिनी असं या 25 वर्षीय नर्सचं नाव असून ती 8 महिन्यांची गर्भवती आहे. कोरोनाबाधित रुग्णांवर उपचार करण्यासाठी तिने तामिळनाडूतील तिरुचिरा ते रामनाथुरमपर्यंत तब्बल 250 किमी अंतर प्रवास केला आहे.
रामनाथपुरम येथील स्वास्थ सेवा संयुक्त निर्देशक यांचा कॉल आला. कोरोना रुग्णांवर उपचारासंदर्भात तो कॉल होता. विनोथिनीने वेळ वाया न घालवता प्राथमिक स्वास्थ रुग्णांची मदत करण्याचा निर्णय घेतला. त्यानंतर तब्बल 250 किमी प्रवास करुन ती रुग्णालयात पोहोचली.
कोरोनाचा संसर्ग रोखण्यासाठी लॉकडाऊनची घोषणा करण्यात आली असून योग्य ती खबरदारी घेतली जात आहे. कोरोनाग्रस्तांचा आकडा हा दिवसेंदिवस वाढत आहे.