CoronaVirus News : दिलासादायक! देश कोरोनाची लढाई जिंकणार, 'हा' नवा फॉर्म्युला फायदेशीर ठरणार?

CoronaVirus Marathi News and Live Updates: कोरोनावर लस शोधण्याचं काम जगभरातीय सर्व देश करत असताना दुसरीकडे वेगवेगळ्या औषधांचाही वापर केला जात आहे. कोरोनावर मात करण्यासाठी आता देश एक नवा फॉर्म्युला वापरत आहे.

जगभरात कोरोनाचा हाहाकार पाहायला मिळत आहे. देशातील कोरोनाग्रस्तांची संख्या वाढली असून कोरोना रुग्णांचा आकडा हा तब्बल 1,51,767 वर गेला आहे.

गेल्या 24 तासांत देशात कोरोनाचे 6387 नवे रुग्ण आढळून आले आहेत तर 170 जणांचा मृत्यू झाल्याची माहिती आरोग्य मंत्रालयाने दिली आहे. कोरोनाचा संसर्ग रोखण्यासाठी खबररदारीचे सर्व उपाय करण्यात येत आहेत.

कोरोना व्हायरसविरोधात अद्याप प्रभावी असं औषध किंवा लस उपलब्ध झालेली नाही. मात्र इतर आजारांवरील औषधांचं ट्रायल कोरोनाविरोधात केलं जातं आहे.

कोविड-19 वर प्रतिबंधक लस बनविण्यासाठी जगात सुमारे 115 ठिकाणी संशोधन सुरू असून, त्यात भारतातील सात कंपन्या व विज्ञान संस्थांचा सहभाग आहे.

ज्या संशोधनासाठी कमाल पाच वर्षे लागू शकतात तेच संशोधन 18 ते 24 महिन्यांत पूर्ण करण्याचे व जगाची कोरोनाच्या साथीपासून कायमची मुक्तता करण्याचे ध्येय शास्त्रज्ञांनी बाळगले आहे.

कोरोनावर लस शोधण्याचं काम जगभरातीय सर्व देश करत असताना दुसरीकडे वेगवेगळ्या औषधांचाही वापर केला जात आहे. कोरोनावर मात करण्यासाठी आता देश एक नवा फॉर्म्युला वापरत आहे.

प्रसिद्ध फार्मास्युटिकल कंपनी ग्लेनमार्क यांनी भारतीय नियामक मंडळाचे महासंचालक डीसीजीआय यांनी नवीन उपचार आणि औषधांसाठी आवश्यक मान्यता दिली आहे असा दावा केला आहे.

क्लिनिकल चाचणीसोबत पुढे जाण्यासाठी आता दोन 2 अँटी-व्हायरल औषधांचे मिश्रण भारतात वापरले जाणार आहे. फेविपिरवीर आणि उमिफेनोविर अशी या दोघांची नावं आहेत.

क्लिनिकल चाचणी ही देशभरातील रूग्णालयात दाखल झालेल्या कोव्हिड-19 रुग्णांवर केली जाईल आणि या उपचारादरम्यान सुरक्षा आणि प्रभाविपणा यांचे मूल्यांकन केले जाणार आहे.

भारतातील कोव्हिड रूग्ण दोन गटात विभागले जातील, ज्यामध्ये एका गटाला दोन अँटी-व्हायरल औषध तयार केलेल्या औषधाचे मिश्रण दिले जाईल, तर दुसर्‍या गटाला फक्त फेविपिरविर दिलं जाईल.

ग्लेनमार्क कंपनीने फेविपिरवीर आणि उमिफेनोविर वेगवेगळे काम करतात, म्हणून दोन अँटी-व्हायरल औषधांचे मिश्रण केल्यास त्याचे परिणाम चांगले येतील असा प्राथमिक अंदाज असल्याचं म्हटलं आहे.

क्लिनिकल ट्रायलला FAITH (FA vipiravir plus Um I fenovir Trial) असे नाव दिलं आहे.

फेविपिरविर हे एक ओरल अँटीवायरल औषध आहे. 2014 मध्ये जपानमध्ये उद्भभवलेल्या इन्फ्लूएन्झा व्हायरस संसर्गाच्या रुग्णांना हे औषध देण्यात आलं होतं. हे अँटी-व्हायरल औषध व्हायरल प्रतिकृती प्रतिबंधित करते.

उमिफेनोविर हे आणखी एक ओरल अँटीव्हायरल औषध आहे जी पेशींना व्हायरसच्या संपर्कात येण्यास प्रतिबंधित करते आणि व्हायरल एंट्री इनहिबिटर म्हणून कार्य करते.

फेविपिरविर आणि उमिफेनोविर या दोन्ही औषधांचं मिश्रण हे अँटीवायरल कव्हर करण्यासाठी सक्षम असल्याचं कंपनीने म्हटलं जात आहे. एका हिंदी वेबसाईटने याबाबतचे वृत्त दिले आहे.