CoronaVirus News : ओमायक्रॉन डेल्टापेक्षा वेगवान! एका आठवड्यात 1 लाख कोरोना रुग्ण, नव्या सब व्हेरिएंटने टेन्शन

CoronaVirus Marathi News and Live Updates: ओमायक्रॉनच्या सब व्हेरिएंटमुळे भारतातील कोरोना आकडेवारीत मोठी वाढ झाली आहे. गेल्या आठवड्यात एक लाखांहून अधिक नवीन प्रकरणे नोंदवण्यात आली आहेत.

देशातील कोरोनाग्रस्तांची संख्या वाढली असून रुग्णांचा आकडा चार कोटींवर पोहोचला आहे. गेल्या 24 तासांत कोरोनाचे 16,135 नवे रुग्ण आढळून आले आहेत. तर 24 जणांचा मृत्यू झाला आहे.

कोरोनामुळे आतापर्यंत देशभरात तब्बल 525223 लोकांना जीव गमवावा लागला आहे. ओमायक्रॉनच्या सब व्हेरिएंटमुळे भारतातील कोरोना आकडेवारीत मोठी वाढ झाली आहे. गेल्या आठवड्यात एक लाखांहून अधिक नवीन प्रकरणे नोंदवण्यात आली आहेत.

7 दिवसांचा हा आकडा गेल्या चार महिन्यांतील उच्चांक आहे. 27 जून ते 3 जुलै दरम्यान कोरोनाची 1.11 लाखांहून अधिक नवीन प्रकरणे समोर आली आहेत. या कालावधीत किमान 192 मृत्यूची नोंद झाली आहे. यापैकी ४४ टक्के मृत्यू केरळमध्ये झाले आहेत.

या आठवड्यात मृत्यूची संख्या मागील सात दिवसांपेक्षा 54% जास्त आहे. महाराष्ट्र, दिल्ली, हरियाणा आणि उत्तर प्रदेशमध्ये संसर्ग कमी झाला आहे. याउलट, पश्चिम बंगाल, बिहार, आंध्र प्रदेश, तामिळनाडू, ओडिशा, आसाम आणि इतर काही राज्ये/केंद्रशासित प्रदेशांमध्ये कोरोनाची प्रकरणे वाढली आहेत.

तज्ज्ञांनी पश्चिम बंगालमधील वाढीमागे ओमायक्रॉनच्या BA.4 आणि BA.5 सब व्हेरिएंट असल्याचं म्हटलं आहे. दुसरीकडे, एका इस्रायली तज्ञाने दावा केला आहे की नवीन सब व्हेरिएंट BA.2.75 भारतातील किमान 10 राज्यांमध्ये पसरला आहे. मात्र, आरोग्य मंत्रालयाने याला दुजोरा दिलेला नाही.

टाइम्स ऑफ इंडियाच्या कोरोना डेटाबेसनुसार, या आठवड्यात 1.11 लाखांहून अधिक प्रकरणे नोंदवली गेली. पहिल्या आठवड्यात 97,555 प्रकरणे होती. 14-20 फेब्रुवारी 2022 पासून सलग सहाव्या आठवड्यात प्रकरणांमध्ये वाढ झाली आहे.

आठवडाभरात एक लाखांहून अधिक केसेसही आल्या होत्या. साप्ताहिक डेटा दर्शवतो की संसर्गाचा वेग आता कमी होत आहे. गेल्या आठवड्याच्या तुलनेत या आठवड्यात 14% अधिक प्रकरणे समोर आली आहेत.

गेल्या आठवड्यात आणि त्याआधीच्या आठवड्यादरम्यान, 23% प्रकरणांमध्ये वाढ झाली आहे. मागील दोन आठवड्यांमध्ये, प्रकरणांमध्ये 63% आणि 91% ची उडी होती. महाराष्ट्राच्या साप्ताहिक आकडेवारीत, प्रकरणांमध्ये 16% घट झाली आहे. 11 आठवड्यांत प्रथमच प्रकरणे समोर आली आहेत.

दिल्ली-एनसीआरमध्येही कोरोनाची संख्या वाढत आहे. या आठवड्यात 40% कमी प्रकरणे होती. हरियाणामध्ये दर आठवड्याला 27% कमी प्रकरणे नोंदवली गेली तर उत्तर प्रदेशात 22% कमी प्रकरणे नोंदली गेली.

केरळ, जिथून मोठ्या संख्येने केसेस येत होत्या, त्यात ७% वाढ झाली आहे. कोरोना महामारी आता इतर राज्यांमध्ये सरकताना दिसत आहे. बंगाल आणि ओडिशामध्ये सर्वात चिंताजनक परिस्थिती आहे.

आठवडाभरात दोन्ही राज्यात नवीन रुग्णांची संख्या तीन पटीने वाढली आहे. पश्चिम बंगालमध्ये या आठवड्यात 9,513 प्रकरणे प्राप्त झाली आहेत जी गेल्या आठवड्यात 3,055 प्रकरणे होती.

गेल्या आठवड्यात ओडिशातून 408 प्रकरणे नोंदवली गेली आणि या आठवड्यात 1,279 प्रकरणे आढळून आली. तामिळनाडूमध्ये 14,431 नवीन रुग्ण आढळले आहेत. केरळ आणि महाराष्ट्रानंतर या आठवड्यात तामिळनाडूमध्ये सर्वाधिक रुग्ण आढळले आहेत.

गुजरात, छत्तीसगड, बिहार, आसाम, पंजाब, हिमाचल प्रदेश, उत्तराखंड, झारखंड, जम्मू आणि काश्मीर, लडाख, पुडुचेरी आणि ईशान्येकडील अनेक राज्यांमध्ये कोविडची प्रकरणे वाढत आहेत. एका हिंदी वेबसाईटने याबाबतचे वृत्त दिले आहे.