देशातील सर्वात आधुनिक आणि वेगवान ट्रेन तयार; लवकरच लोकांच्या सेवेत रुजू होणार! पाहा PHOTOS

Delhi-Meerut RRTS: पहिला टप्पा २०२३ पर्यंत सुरू होईल अशी अपेक्षा आहे.

दिल्ली ते मेरठपर्यंत रेल्वेचे काम वेगाने सुरू आहे. हे स्वप्न २०२४ पर्यंत पूर्ण करण्याची तयारी पूर्ण झाली आहे. त्याचा पहिला टप्पा २०२३ पर्यंत सुरू होईल अशी अपेक्षा आहे. अशा परिस्थितीत आता रेल्वेच्या अत्याधुनिक कोचची डिलिव्हरी 7 मे रोजी सुरू होणार आहे, जो 14 मे पर्यंत गाझियाबादला आणला जाईल.

एनसीआरटीसीचे एमडी विनय कुमार सिंह म्हणाले की, आम्ही तयारी पूर्ण केली आहे. लवकरच हे डबे रेल्वेच्या रूपाने लोकांसमोर येणार आहेत. आमचे काम वेगाने सुरू आहे. आमचा प्रयत्न आहे की सामान्य लोकांना लवकरात लवकर रॅपिड रेल्वे चालवता येईल आणि तेही चांगल्या सुविधांसह.

भारतातील पहिल्या आरआरटीएस ( RRTS) कॉरिडॉरचा पहिला ट्रेनसेट पूर्ण झाला आहे आणि 7 मे 2022 रोजी भारत सरकारच्या गृहनिर्माण आणि शहरी व्यवहार मंत्रालयाच्या सचिवांच्या उपस्थितीत आयोजित कार्यक्रमात एनसीआरटीसीकडे (NCRTC) सुपूर्द केला जाईल. 'मेक इन इंडिया' उपक्रमांतर्गत या अत्याधुनिक आरआरटीएस गाड्या गुजरातमधील सावली येथील अल्स्टॉमच्या कारखान्यात 100% भारतात तयार केल्या जात आहेत.

अल्स्टॉमद्वारे एनसीआरटीसीला गाड्या सुपूर्द केल्यावर, त्या दुहाई डेपोमध्ये मोठ्या ट्रेलरवर आणल्या जातील, जे गाझियाबादमधील दिल्ली-गाझियाबाद-मेरठ आरआरटीएस कॉरिडॉर चालवण्यासाठी वेगाने विकसित केले जात आहे. या डेपोत या गाड्यांच्या संचालन आणि देखभालीसाठी सर्व सुविधांचे बांधकाम पूर्णत्वास आले आहे.

शनिवारी एल्स्टॉमच्या (पूर्वीच्या बॉम्बार्डियर) उत्पादन प्रकल्पात हस्तांतरित समारंभ आयोजित केला जात आहे, जिथे RRTS ट्रेनसेटच्या चाव्या एनसीआरटीसीकडे सुपूर्द केल्या जातील. भारतातील पहिल्या आरआरटीएस गाड्यांच्या इंटीरिअरसह त्याच्या प्रवासी-केंद्रित वैशिष्ट्यांसह अलीकडेच गाझिबाद येथील दुहाई डेपोत 16 मार्च 2022 रोजी अनावरण करण्यात आले.

180 किमी/ताशी डिझाईनचा वेग, 160 किमी/तासचा कार्यरत वेग आणि 100 किमी/ताशी सरासरी वेग असलेल्या या आरआरटीएस भारतातील आतापर्यंतच्या सर्वात वेगवान ट्रेन असतील. या अत्याधुनिक आरआरटीएस गाड्यांमध्ये 2x2 ट्रान्सव्हर्स कुशन सीटिंग, रुंद स्टँडिंग स्पेस, लगेज रॅक, सीसीटीव्ही कॅमेरे, लॅपटॉप/मोबाइल चार्जिंग सुविधा, डायनॅमिक रूट मॅप, ऑटो-कंट्रोल्ड अॅम्बियंट लाइटिंग सिस्टम, हीटिंग व्हेंटिलेशन आणि एअर कंडिशनिंग सिस्टिम आणि इतर सुविधा असणार आहेत.

वातानुकूलित आरआरटीएस ट्रेनमध्ये एक डबा सँडर्डसह महिला प्रवाशांसाठी राखीव असेल आणि प्रीमियम श्रेणीचा एक डबा असेल. सावली येथील अल्स्टॉमचा उत्पादन कारखाना प्रथम आरआरटीएस कॉरिडॉरसाठी एकूण 210 कार वितरित करेल. यामध्ये दिल्ली-गाझियाबाद-मेरठ कॉरिडॉरवरील प्रादेशिक परिवहन सेवा आणि मेरठमधील स्थानिक मेट्रो सेवांच्या संचालनासाठी ट्रेनसेट समाविष्ट आहेत.

गाड्यांच्या आगमनानंतर या वर्षाच्या अखेरीस प्राधान्य विभागावर प्राथमिक चाचणी सुरू होण्याची अपेक्षा आहे. 2023 पर्यंत साहिबााबाद ते दुहाई दरम्यानचा 17 किमीचा प्राधान्य विभाग आणि 2025 पर्यंत संपूर्ण कॉरिडॉर करण्याचे लक्ष्य आहे.