झाडांना रंग रंगोटी

उत्तर प्रदेशातील लखनऊ शहरात रस्त्यांच्या बाजूला असलेली झाडे अनेक रंगात दिसून येत आहे.

स्वच्छ भारत सौंदर्यीकरण अभियानांतर्गत गोमतीनगरमधील राजीव गांधी वार्डमध्ये झाडांना वेगवेगळे रंग लावण्यात आले आहेत.

येथील नगरसेवक अरुण तिवारी यांनी आपल्या वार्डात स्वच्छ भारत अभियानांतर्गत अनेक उपक्रम हाती घेतले आहेत.

स्वच्छता सर्वेक्षण 2019 मध्ये अरुण तिवारी यांच्या वार्डाला तिसरा क्रमांक मिळाला होता तर लखनऊमध्ये पहिला नंबर मिळाला होता, असा दावा त्यांनी केला आहे.

विशेष म्हणजे, या झाडांना लावण्यासाठी नैसर्गिक रंगाचा वापर करण्यात आला आहे. त्यामुळे झाडांचे रंगामुळे नुकसान होणार नाही, असेही अरुण तिवारी यांनी म्हटले आहे.