Photos : ये हसीं वादिया, ये खुला आसमां, 'दुलई' पांघरलेलं निसर्गरम्य शिमला...

शिमला येथील स्थानिक रहिवासी पवन भारद्वाज यांनी ‘लोकमत’च्या वाचकांसाठी टिपलेली छायाचित्रे खास तुमच्यासाठी शेअर केली आहेत.

पृथ्वीतलावावर कुठे स्वर्ग असेल तर ते काश्मीरमध्ये असं म्हणतात. काश्मीरच्या खोऱ्यात, वाहणाऱ्या नद्यांत, मोकळ्या आकाशात, मधुर आवाजाच्या वाऱ्यांत आणि निसर्गानं शृंगार केलेल्या काश्मीरला भेट देणं म्हणजे जिवंतपणी स्वर्ग पाहणं होय.

काश्मीरसह हिमाचल प्रदेशही मिनी काश्मीर म्हणून ओळखला जातो. येथे बर्फवृष्टीनंतर डोंगरदऱ्यातील, घाटांनी, रस्त्यांनी जणू पांढरी शाल पांघरल्याचे दिसून येते.

हिमाचल प्रदेशची राजधानी शिमला येथे वर्षातील पहिली बर्फवृष्टी झाली आहे. पर्यटक आणि स्थानिक हंगामातील पहिल्या वर्षवृष्टीची आतुरतेने वाट पाहत होते.

शनिवारी सकाळी जाखू टेकडीवर बर्फवृष्टी झाली. रिज मैदान आणि मॉल रोडवरही हलकी बर्फवृष्टी झाली.

बर्फाचा आनंद घेण्यासाठी मोठ्या संख्येने पर्यटक रिज मैदानावर पोहोचले. मात्र, हवामान खात्याने शनिवारी आणि रविवारी राज्यात यलो अलर्ट जारी केला होता.

कुफरी, नारकंडासह शिमल्याच्या उंच भागात बर्फवृष्टी झाली. दरम्यान, शिमला शहरात बर्फवृष्टीची लोक आतुरतेने वाट पाहत होते, ती शनिवारी पूर्ण झाली.

दुसरीकडे, शिमलाचे प्रसिद्ध पर्यटन स्थळ ताज्या हिमवृष्टीनंतर पर्यटकांनी गजबजून गेले होते.

येथे मोठ्या संख्येने पर्यटक पोहोचले. पर्यटक बर्फवृष्टीचा आनंद घेताना पाहायवा मिळाले. बर्फवृष्टीनंतर पर्यटकांचा ओघ वाढल्याने रस्त्यावर वाहतूक कोंडीही झाली.

शिमलात तुफान बर्फवृष्टी झाल्याने घरे, झाडे सर्वत्र बर्फाची दुलईच पसरलेली दिसत होती. बर्फवृष्टीचा आनंद घेण्यासाठी अनेक पर्यटकांनीही तेथे गर्दी केली आहे.

शिमला येथील स्थानिक रहिवासी पवन भारद्वाज यांनी ‘लोकमत’च्या वाचकांसाठी टिपलेली छायाचित्रे खास तुमच्यासाठी शेअर केली आहेत.

शिमला पोलिसांनी दिलेल्या माहितीनुसार, थिओग-चौपाल रस्ता, नारकंडा भागातील थेओग-रामपूर रस्ता, खारापठार भागातील थेओग-रोहरू रस्ता शनिवारी बर्फवृष्टीमुळे बंद ठेवण्यात आला होता

शिमलामधील हे नयनरम्य दृश्य पाहिल्यानंतर रोजा चित्रपटातील ये हसी वादियाँ, ये खुला आसमाँ... हे गाणं आठवल्याशिवाय राहणार नाही.

निसर्ग सौंदर्यांचा अविष्कार आपल्या डोळ्यांत साठवण्यासाठी नक्कीच आयुष्यात एकदातरी या ठिकाणाला भेट द्यायला हवी