PHOTOS: संसदेत जेव्हा मोदी-सोनिया आमने-सामने येतात अन् शिंदेंनीही वेधलं लक्ष!

संसदेच्या सेंट्रल हॉलमध्ये सोमवारी पंतप्रधान नरेंद्र मोदी, यूपीए अध्यक्षा सोनिया गांधींपासून ते देशातील प्रत्येक बड्या राजकीय व्यक्ती उपस्थित होत्या. निमित्त होतं भारताच्या १५ व्या राष्ट्रपती म्हणून द्रौपदी मुर्मू यांच्या शपथविधीचं.

जेव्हा मोदी आणि सोनिया आमने-सामने आले

पंतप्रधान नरेंद्र मोदी आणि यूपीए अध्यक्षा सोनिया गांधी हे दोघेही शपथविधी सोहळ्यात सहभागी झाले होते. एक वेळ अशी आली की दोन्ही नेते आमने-सामने आले. दोघांनी एकमेकांना हात जोडून अभिवादन केलं. यात मध्येच मल्लिकार्जुन खरगे आणि इतर नेते देखीलसोबत होते.

नव्या राष्ट्रपतींना केलं अभिवादन

राष्ट्रपती द्रौपदी मुर्मू यांनी शपथ घेतल्यानंतर सर्वांचे आभार मानले. जेव्हा त्या पीएम मोदींसमोर आल्या तेव्हा पंतप्रधान उभे राहिले आणि नवनिर्वाचित राष्ट्रपतींना अभिवादन केलं.

माजी राष्ट्रपती प्रतिभाताई पाटील यांनाही अभिवादन

भारताच्या १२व्या राष्ट्रपती प्रतिभा पाटील यांनीही शपथविधी सोहळ्याला हजेरी लावली होती. पाटील यांची तब्येत खराब असल्याने राष्ट्रपती मुर्मू स्वत: त्यांच्या जवळ आल्या आणि वाकून नमस्कार केला.

राष्ट्रपती द्रौपदी मुर्मू, उपराष्ट्रपती व्यंकय्या नायडू आणि पंतप्रधान नरेंद्र मोदी यांनी माजी राष्ट्रपती रामनाथ कोविंद यांना निरोप दिला. यावेळी कोविंद यांचे नातेवाईक देखील उपस्थित होते.

एकनाथ शिंदेंनीही लक्ष वेधलं

महाराष्ट्राचे नवे मुख्यमंत्री आणि शिवसेनेच्या बंडखोर गटाचे नेते एकनाथ शिंदे हे देखील शपथविधी सोहळ्याला उपस्थित होते. भाजप अध्यक्ष जेपी नड्डा, ज्येष्ठ नेते मुरली मनोहर जोशी आणि उत्तर प्रदेशचे मुख्यमंत्री योगी आदित्यनाथ त्यांच्याशी ते गप्पा मारताना दिसले.

दिग्गज नेते आमने-सामने

सोनिया गांधी आणि काँग्रेसचे ज्येष्ठ नेते मल्लिकार्जुन खर्गे यांची भेट घेण्यासाठी भाजपचे ज्येष्ठ नेते मुरली मनोहर जोशींनी पुढाकार घेतला. दिग्गज नेत्यांमध्ये काहीवेळ गप्पा रंगल्या.

अमित शहा आणि नरेंद्रसिंग तोमर केंद्रीय गृहमंत्री अमित शहा आणि कृषी मंत्री नरेंद्र सिंह तोमर हलक्याफुकल्या वातावरणात गप्पा मारताना दिसले.

देशाच्या १५ व्या राष्ट्रपतींच्या शपथविधी सोहळ्याला अनेक खासदारही आवर्जुन उपस्थित होते.

गार्ड ऑफ ऑनरनंतर मोदी रवाना राष्ट्रपती द्रौपदी मुर्मू यांच्या सन्मानार्थ गार्ड ऑफ ऑनरनंतर पंतप्रधान मोदी राष्ट्रपती भवनातून रवाना झाले.

महिला राष्ट्रपती झाल्याचा आनंद

तेलंगणाच्या राज्यपाल तमिलिसाई सौंदर्यराजन आणि केंद्रीय मंत्री शोभा करंदलाजे एकमेकांशी संवाद साधताना. एक महिला देशाच्या राष्ट्रपतीपदी विराजमान झाल्यामुळे दोन्ही महिला नेत्यांना आनंद झाला