भारतातील ३२ मजली इमारत १२ सेकंदात जमीनदोस्त होणार?, विमान वाहतूकही रोखणार!

२८ ऑगस्टला पाडणार नोएडातील सुपरटेक ट्विन टॉवर

नोएडातील सेक्टर ९३ मधील वादग्रस्त ठरलेली ३२ मजली सुपरटेक ट्विन टॉवर इमारत येत्या २८ ऑगस्टला केवळ १२ सेकंदात जमीनदोस्त होणार आहे. दिल्लीतील ऐतिहासिक कुतुबमिनारपेक्षाही उंच असलेली ही इमारत आता अखेर भूईसपाट होणार आहे. जमीनदोस्त होणारी ही देशातील सर्वात उंच इमारत ठरणार आहे.

५००० लोक जे या इमारतीच्या आसपास राहतात, त्यांना काही काळासाठी जावे लागणार सुरक्षित ठिकाणी.

का पाडत आहेत इमारत?

या इमारतीला नोएडा विकास प्राधिकरणाने मंजुरी दिली होती. परंतु या मंजुरीला आक्षेप घेण्यात आला. अनेक वर्षांच्या न्यायालयीन लढाईनंतर सर्वोच्च न्यायालयाने या इमारतीला नोएडा विकास प्राधिकरणाने दिलेली मंजुरी अवैध असल्याचा निर्वाळा दिल्यानंतर ही इमारत भूईसपाट होणार हे निश्चित झाले.

कशी करणार भूईसपाट?

ही इमारत मुंबईतील ईडीफीस इंजीनिअरिंग व दक्षिण आफ्रिकेतील जेट डेमोलेशन कंपनी भूईसपाट करणार आहे. ३५०० किलोग्रैम विस्फोटकांचा उपयोग करणार. ३५ हजार घनमीटर मलबा ही इमारत पाडल्यानंतर जवळपास जमा होईल

विमान वाहतूक रोखणार

रविवारला दुपारी अडीच वाजता पाडली जाणार. तेव्हा धुळीने वातावरण व्यापले जाणार असल्याने या काळात दिल्ली विमानतळावरून विमानांची वाहतूक बंद ठेवण्याचे निर्देश दिलेले आहेत. जवळपास अर्धा तास दिल्लीच्या आकाशात विमान राहणार नाही.