७ महिने गरोदर तरी ऑल्मिपिकमध्ये दमदार कामगिरी; इजिप्तची फेंसर नादा हाफेज चर्चेत

Egyptian Fencer Nada Hafez : पॅरिस ऑलिम्पिक २०२४ मध्ये जगभरातील खेळाडू सहभागी झाले आहेत. पॅरिस ऑलिम्पिकमध्ये इजिप्तची महिला तलवारबाज नादा हाफेझनेही सहभाग घेतला होता.

कल्पना करा की सात महिन्यांची गरोदर असूनही कोणती महिला ऑलिम्पिकमध्ये भाग घेऊ शकते का? इजिप्तच्या नादा हाफेझने ही कामगिरी केली आहे.

सात महिन्यांची गरोदर असूनही ऑलिम्पिकमध्ये तलवारबाजी करणे इजिप्तचा तलवारबाज नादा हाफेझसाठी चमत्कारापेक्षा कमी नाही.

ऑलिम्पिक स्पर्धेदरम्यान गर्भवती असूनही नादा हाफेझने स्पर्धेत भाग घेतला आणि काही सामने जिंकण्यातही यश मिळविले.

स्पर्धेतून बाहेर पडल्यानंतर २६ वर्षीय नाफाने इन्स्टाग्रामवर एक फोटो शेअर करत आपल्या भावना व्यक्त केल्या आहेत. तलवारबाजीबद्दलची आवड आणि समर्पणाबद्दल खूप प्रशंसा होत आहे.

माझ्या पोटात एक छोटासा भविष्यातील ऑलिम्पियन वाढत आहे. स्पर्धेत, माझा मुलगा आणि मी आमच्या संबंधित आव्हानांमध्ये भाग घेतला. भले ते शारीरिक असो वा भावनिक, असे नाफाने म्हटलं आहे.

“गर्भधारणा हा खूप कठीण मार्ग आहे. जीवन आणि खेळ यांच्यात समतोल राखणे हे खूप आव्हानात्मक काम होते. माझा पती इब्राहिम इहाब आणि माझ्या कुटुंबाच्या विश्वासाने मला इथपर्यंत पोहोचता आले हे माझे भाग्य आहे. हे खास ऑलिम्पिक वेगळे होते," असेही नाफा म्हणाली.

हाफेझने स्पर्धेदरम्यान अमेरिकेच्या एलिझाबेथ टार्टाकोव्स्कीचा १५-१३ अशा फरकाने पराभव केला होता. मात्र, पुढच्या सामन्यात तिला दक्षिण कोरियाच्या जिओन हयांगविरुद्ध पराभव पत्करावा लागला.