बीपी सतत वाढतं? ६ पदार्थ नियमित खा, बीपी राहील नॉर्मल आणि तब्येत ठणठणीत

खाण्यापिण्याच्या चुकीच्या सवयींमुळे तसेच हवा तसा व्यायाम न झाल्याने आजकाल कमी वयातच अनेकांना बीपीचा त्रास होत आहे. हा त्रास मागे लागू नये म्हणून किंवा बीपी असेलच तर ते नियंत्रणात राहावे म्हणून हे काही पदार्थ नियमितपणे खा...

योगर्टमध्ये प्रोटीन्स, व्हिटॅमिन्स, खनिजे आणि पोटॅशियम भरपूर प्रमाणात असते. त्यामुळे दिवसातून एकदा तरी योगर्ट खावे.

शरीरातील पोटॅशियम कमी झाले की रक्तदाबाचा त्रास होतो. हा त्रास कमी करण्यासाठी नियमितपणे केळी खावी. केळीमध्ये पोटॅशियम भरपूर प्रमाणात असते.

स्ट्रॉबेरीसारख्या बेरी प्रकारातील फळे खाल्ल्याने बीपी नियंत्रित राहाते. दिवसातून २८ ग्रॅम एवढे जरी हे फळ खाल्ले तरी ते पुरेसे आहे.

हिरव्या पालेभाज्यांमधून मॅग्नेशियम आणि पोटॅशियम भरपूर मिळते. त्यामुळे आठवड्यातून ३ ते ४ वेळा तरी हिरव्या पालेभाज्या खायलाच पाहिजेत.

National Institutes of Health यांनी केलेल्या एका अभ्यासानुसार रक्तदाब नियंत्रित ठेवण्यासाठी उपयुक्त असणारे घटक लसूणामध्ये भरपूर प्रमाणात असतात.

ब्रोकोलीमध्ये पोटॅशियम, मॅग्नेशियम आणि व्हिटॅमिन सी भरपूर प्रमाणात असते. त्यामुळे त्यांच्या नियमित सेवनामुळे हृदयरोगाचा धोका बऱ्याच प्रमाणात कमी होतो.