आलिया भटशिवाय कोणालाच जमेना 'हा' व्यायाम, म्हणूनच त्याला म्हणतात 'आलिया पोझ'- बघा कशी करायची

आलिया भट आणि तिचं फिटनेस प्रेम तर सगळ्यांनाच माहिती आहे. म्हणूनच तर राहाच्या जन्मानंतर अवघ्या एक महिन्यातच आलियाने पुन्हा एकदा व्यायामाला सुरुवात केली होती.

प्रेग्नन्सी, बाळंतपण यानंतर खूपच पटकन तिने व्यायाम सुरू केला आणि ती पुन्हा तिची पुर्वीची फिगर मिळविण्यात यशस्वी झाली. सेलिब्रिटी फिटनेस ट्रेनर अंशुका परवानी यांच्याकडे आलिया फिटनेसचे धडे गिरवते.

अंशुका यांनी आलियाबाबतची एक पोस्ट नुकतीच सोशल मिडियावर शेअर केली आहे. यामध्ये त्यांनी आलियाचा एक व्हिडिओ शेअर केला असून त्यात आलिया कपोतासन (Kapotasana) म्हणजेच Pigeon Pose करताना दिसते आहे.

याविषयी अंशुका यांनी लिहिलं आहे की २०२१ मध्ये त्यांनी आलियाला कपोतासन करायला सांगितलं होतं. आलियाने बराच प्रयत्न करून एका व्हिलच्या मदतीने ते अगदी उत्तमपणे केलं.

आलियाने केलेलं कपोतासन पाहून नंतर अनेकांनी ते करण्याचा प्रयत्न केला. पण आलियासारखं सफाईदारपणे ते कुणाला जमलं नाही. म्हणूनच त्यानंतर त्यांनी त्या आसनाला गमतीने 'आलिया पोझ' असं म्हणायला सुरुवात केली.

आता प्रेग्नन्सी, बाळंतपण यानंतर पुन्हा एकदा डिसेंबर- २३ मध्ये आलियाने हे आसन करून पाहिलं आणि त्यावेळीही तिला ते अगदी परफेक्ट जमलं. त्यामुळे आलियाच्या फिटनेस ट्रेनर तिच्यावर भारीच खुश असून त्यांनी त्याच आनंदात ही पोस्ट शेअर केली आहे.

कपोतासन हा खरोखरच एक अवघड व्यायाम प्रकार आहे. यामध्ये पाठीचा कणा पुर्णपणे मागच्या बाजुने वाकवला जातो. रोजची व्यायामाची सवय असल्याशिवाय कपोतासन जमणे अशक्य आहे.