दिवाळी स्पेशल : पाहा लक्ष्मीच्या पावलांचे सुंदर वेगवेगळे प्रकार, घरभर सजतील लक्ष्मीची पाऊलं आणि येईल समृध्दी

Diwali special Laxmi Paule mahalaxmi footprints shopping : घरात कायम लक्ष्मीचा वास राहावा यासाठी पाहा पावलांचे एकाहून एक सुंदर प्रकार..

शुभ प्रसंगी आपण आवर्जून लक्ष्मीची पावलं घराच्या उंबरठ्यावर किंवा देवापाशी लावतो. लक्ष्मीचा घरात वास राहावा यासाठी लावली जाणारी ही पावलं सध्या बाजारात वेगवेगळ्या प्रकारात उपलब्ध असतात.

प्लास्टीक किंवा लाकडी स्वरुपात मिळणारी ही पावलं उंबऱ्यावर लावायला सोपी असतात आणि लक्ष्मी घरात नांदण्यासाठी ती प्रतिक मानली जातात.

पत्र्याची पातळ पावलंही दाराच्या बाहेर लावायला अतिशय छान वाटतात. रांगोळीच्या बाजुला ही पावलं चांगली दिसतात.

लाकडी पावलांचे बरेच प्रकार सध्या बाजारात आहेत. रांगोळी, रंग किंवा अगदी चमकी आणि मोत्यांनी आपण ही पावलं आपल्या आवडीनुसार सजवू शकतो.

अॅक्रेलिक प्रकारात मोडणारी ही पावलं म्हणजे कडप्प्यावर रांगोळी काढल्याप्रमाणे दिसतात. दिसायला अतिशय नाजूक आणि आकर्षक असणारी ही पावलं यंदा दिवाळीच्या निमित्ताने आपण आणू शकतो.

प्लास्टीकची अशाप्रकारची पावलं दिसायला तर सुरेख आणि नेमकी दिसतातच पण ती वजनानेही हलकी असतात. अशी पावलं दारापाशी चिकटवणंही सोपं असतं त्यामुळे महिला ही पावलं घ्यायला प्राधान्य देताना दिसतात.

प्लास्टीक, अॅक्रेलिक यांबरोबरच मोत्याची अशी पावलंही काही महिला घरी करतात. मोत्याची ही पावलं नुसती ठेवली किंवा चिकटवली तरी चालतात. ती दिसायलाही नक्षीदार आणि छान दिसतात.

पावलांचे अशाप्रकारचे स्टीकर्स आणायला, लावायला आणि काढायलाही सोपे असतात. दिवाळीच्या दरम्यान अगदी ठिकठिकाणी हे स्टीकर्स अगदी सहज मिळतात.