असे एक फळ, रोज खा आणि भरपूर जगा! बारा महिने खावे- आनंदाने जगावे असा गोडवा

Eat this fruit every day and live abundantly! such sweetness to live happily : अंजीर खाण्याचे आहेत अनेक फायदे. पाहा रोज एक अंजीर खाल्ल्याने काय होईल.

उन्हाळ्यामध्ये विविध फळे खाल्लीच पाहिजेत. मात्र एक असे फळ आहे जे बाराही महिने मिळते आणि ते फळ खाणे शरीरासाठी फार फायद्याचे ठरते.

असे हे फळ म्हणजे अंजीर. आपण सुकामेवा खातो. त्यामध्ये अंजीर असतेच. मात्र त्या अंजीरापेक्षा अंजीराचे ताजे फळ खाणे जास्त फायद्याचे ठरते.

रोज एक अंजीर खाल्ले तर पोटाचे त्रास उद्भवणार नाहीत. अंजीरामुळे पोट अगदी व्यवस्थित साफ होते. ज्यांना पोटाचे त्रास असतील त्यांनी तर अंजीर खायलाच हवे.

काहींना शौचास नीट होत नाही. तसे गंभीर कारण काहीच नसते. तरी पोट साफ होत नाही रोज एक अंजीर खाल्ल्याने ही समस्या अगदी नाहीशी होईल.

अंजीरामध्ये भरपूर पोटॅशिअम असते. तसेच मॅग्नेशिअमही भरपूर असते. हृदयाच्या आरोग्यासाठी या दोन्ही गोष्टी फार महत्त्वाच्या असतात. त्यामुळे अंजीर खाणे हृदयासाठीही चांगले असते.

अंजीरामध्ये फॅट्स अगदी कमी असतात. तसेच फायबरचे प्रमाण भरपूर असते. त्यामुळे अंजीराने पोट भरलेले राहते. वजन कमी करण्यासाठी अंजीर फायद्याचे ठरते.

अंजीर हा अँण्टी ऑक्सिडंट्सचा फार चांगला स्त्रोत आहे. त्यामुळे अंजीर खाल्याने त्वचा फार छान सुंदर राहते. चेहरा उजळतो.

अंजीरात जीवनसत्त्व 'के' असते. तसेच कॅल्शिअम असते. त्यामुळे हाडे चांगली मजबूत ठेवण्यासाठी अंजीर खाणे उपयुक्त ठरते.

अंजीरामुळे रक्तातील साखरेची पातळी नियंत्रित राहते. त्यामुळे मधुमेहाचा त्रास असणार्‍यांना अंजीर खाण्याचा सल्ला दिला जातो.