फ्रिजमध्ये ठेवूनही आलं सुकून जातं? १ सोपी ट्रिक-आलं महिनाभर राहील चांगलं..

सध्या उन्हाळ्याचे दिवस आहेत. त्यामुळे भाज्या, फळं लवकर सुकून जातात.

आल्याचंही तसंच आहे. या दिवसांत आधीच आलं खूप महाग असतं. आणि त्यातही ते लवकर सुकून जातं. वारंवार बाजारात जाऊन आलं विकत घेऊन येणंही शक्य नसतं.

म्हणूनच आता ही एक ट्रिक पाहा आणि आलं जास्तीतजास्त दिवस टिकवून ठेवा. हा उपाय केल्यामुळे आलं खूप दिवस तर फ्रेश राहीलच पण त्याचा सुगंधही टिकून राहील.

हा उपाय करण्यासाठी एका वाटीत पाणी घ्या. त्यामध्ये चमचाभर मीठ घाला. या मिठाच्या पाण्यात १५ ते २० मिनिटांसाठी आलं भिजत ठेवा.

त्यानंतर ते पुसून स्वच्छ कोरडं करून घ्या. आल्याचा ओलेपणा पुर्णपणे कमी झाल्यानंतर ते प्लास्टिकच्या पिशवीत गुंडाळून फ्रिजमध्ये ठेवून द्या.

या पद्धतीने साठवून ठेवलेलं आलं खूप दिवस ताजं आणि सुगंधित राहील.