पाणीपुरीच्या पाण्याचे ७ आंबटगोड प्रकार! उन्हाळ्यात करा ७ फ्लेवर पाणीपुरी- कितीही खा पोट भरणार नाही..

Make 7 flavored Pani Puri in summer - no matter how much you eat : पाणीपुरी करताना आता हे ७ पाण्याचे प्रकारही करा. अगदीच छान लागतात.

पाणीपुरी म्हणजे अत्यंत आवडता विषय. डाएट किंवा मग वजनाची चिंता बाजूला ठेऊन मनसोक्त हा पदार्थ आपण खातो. चमचमीत तिखट, आंबट, गोड सगळ्याच चवी या पदार्थामध्ये असतात.

पाणीपुरीचे पाणी करायला अगदीच सोपे असते. पण तुम्हाला माहिती आहे का? पाणीपुरीच्या पाण्यामध्ये फक्त पुदिन्याचे पाणी आणि चिंचेचे पाणी एवढेच प्रकार नसतात. इतरही अनेक प्रकार असतात. सगळेच करायला सोपे आहेत.

रजवाडी हा पाणीपुरीच्या पाण्याचा प्रकार चवीला जरा गोडसर असतो. तसेच त्यामध्ये दही घातलेले असते. रंगाला पोपटी असे हे पाणी फारच चवीष्ट लागते.

हजमा-हजम नावाचा एक प्रकार आजकाल फार लोकप्रिय आहे. त्यामध्ये चिंच, गूळ तसेच चाट मसाला आणि हजमोलाचा फ्लेवर असतो. चवीला हे पाणी आंबट गोड असे असते.

पुदिन्याचे पाणी तुम्ही नक्कीच प्यायले असेल. कोथिंबीर, मिरची, आलं आणि पुदिना असे मिश्रण असलेले हे पाणी बुंदी घालून छान लागते.

सध्या लसूण पाणी हा फ्लेवरही फार लोकप्रिय आहे. लसणाची झणझणीत चव या पाण्याला असते. जिभेला ते पाणी जरा चरचरते. पण तरी मस्तच लागते.

लिंबू पाणी हा अत्यंत सोपा आणि साधा प्रकार आहे. पाणी दिसायलाही पांढरेच असते. पाण्यामध्ये भरपूर लिंबू पिळायचे. त्यामध्ये थोडा सोडा घालायचा आणि चाट मसाला घालायचा.

जिऱ्याचे पाणी हा ही एक प्रकार यामध्ये आहे. त्यासाठी आमचूर पावडर तसेच जिऱ्याची पूड आणि चिंच वापरलेली असते. त्यामध्ये कोथिंबीरही घालतात.

तुम्ही जलजिरा नक्कीच प्यायला असाल. मस्त चमचमीत आणि आंबट असा जलजिरा वापरूनही पाणी पुरीचे पाणी केले जाते. त्यामध्ये थोडा सोडा घातला जातो.