TikTok ला टक्कर देणारं इंडियन अ‍ॅप पाहिलंत का?; 50 लाख लोकांनी केलं डाऊनलोड

सध्या टिकटॉकला एक इंडियन अ‍ॅप जोरदार टक्कर देत आहे. Mitron असं या अ‍ॅपचं नवा असून आतापर्यंत हे तब्बल 50 लाखांहून अधिक वेळा डाऊनलोड करण्यात आले आहे. 

शॉर्ट व्हिडिओ मेकिंग आणि शेअरिंग प्लॅटफॉर्म असलेल्या टिकटॉकची प्रचंड क्रेझ तरुणांमध्ये पाहायला मिळत आहे.

सध्या टिकटॉकला एक इंडियन अ‍ॅप जोरदार टक्कर देत आहे. Mitron असं या अ‍ॅपचं नवा असून आतापर्यंत हे तब्बल 50 लाखांहून अधिक वेळा डाऊनलोड करण्यात आले आहे. 

जवळपास एका महिन्यापूर्वी लाँच झालेले हे अ‍ॅप अल्पावधीतच खूप लोकप्रिय झालं आहे. आयआयटी रुडकीच्या एका विद्यार्थ्याने हे अ‍ॅप तयार केलं आहे.

शिवांक अग्रवाल या मुलाने Mitron तयार केले आहे. या अ‍ॅपने गुगल प्ले स्टोरवर टॉप फ्री चार्टमध्ये टॉप 10 च्या यादीत स्थान मिळवले आहे. 

टीएमचे माजी सीनिअर व्हाईस प्रेसिडेंट दीपक यांच्याकडून करण्यात आलेल्या ट्विटमध्ये हे अ‍ॅप दुसऱ्या पोझिशनला दिसत आहे. 

Mitron अ‍ॅपमध्ये टिकटॉकपेक्षा फार वेगळे फीचर्स दिले नाहीत. मात्र हे आपल्या नावाने आणि ब्रँडिंगमुळे अल्पावधीत लोकप्रिय झाले आहे.

अ‍ॅप आता नवीन आहे. यात अनेक बग्स आहेत. असे असले तरी याला पॉझिटिव्ह रिव्ह्यू आणि रेटिंग्स मिळाली आहे. जवळपास 4.7 रेटिंग्स मिळणाऱ्या अ‍ॅपमध्ये बरेच बग्स असल्याचे युजर्संनी सांगितले. 

लॉग इन करण्यातही काहींना अडचणी येत असल्याचे म्हटले आहे. मात्र इंडियन प्लॅटफॉर्म असल्याने लोकांची याला अधिक पसंती मिळत आहे. अ‍ॅपमध्ये टिकटॉक सारखे एडिटिंग फीचर्स सुद्धा नाहीत. 

ऑडिओ अ‍ॅड करण्याचा ऑप्शन सुद्धा मर्यादीत आहे. जर डेव्हलपर या दरम्यान बग्सला फिक्स करीत असेल किंवा नवीन फीचर्स अ‍ॅड केले तर हे अ‍ॅप खूप कमी कालावधीत प्रसिद्ध होईल.

फक्त 8.03 एमबी साईज असलेलं हे अ‍ॅप 11 एप्रिल 2020 रोजी रिलीज करण्यात आले आहे आणि 24 मे रोजी अपडेट मिळाले आहे. 

Mitron अ‍ॅप केवळ अँड्रॉईड युजर्संसाठी उपलब्ध आहे. गुगल प्ले स्टोरवरून हे डाऊनलोड करता येऊ शकते.

अ‍ॅपचा इंटरफेस टिकटॉकसारखाच आहे. सध्या केवळ गुगलच्या मदतीने हे लॉग इन करता येऊ शकते.