मोबाइलमधील इंटरनेट खूपच स्लो चालतंय? ‘असा’ वाढवा स्पीड

mobile internet speed मोबाइल नेटवर्क फुल असले, तरी इंटरनेट स्पीड अगदीच स्लो असल्याची तक्रार अनेक जण करतात. सोप्या प्रक्रियेद्वारे आपण इंटरनेट स्पीड वाढवू शकता.

कोरोना संकटाच्या कालावधीपासून इंटरनेटची मागणी मोठ्या प्रमाणावर वाढली आहे. तसेच डिजिटल व्यवहारांमध्येही मोठी वाढ झाल्याचे पाहायला मिळत आहे.

भारतात इंटरनेट युझर्सचे प्रमाण मोठ्या प्रमाणात वाढताना दिसत आहे. देशात 4G चा मोठ्या प्रमाणात वापर केला जातो. देशात अनेक ठिकाणी अद्यापही 3G आणि 2G सेवा सुरू आहे.

मात्र, अनेकदा मोबाइलमधील इंटरनेट आपल्याला अपेक्षित स्पीड देत नाही. मोबाइल नेटवर्क फुल्ल असतं. मात्र, इंटरनेट स्पीड अगदीच स्लो असल्याची तक्रार अनेक युझर्स करत असतात. (mobile internet speed)

आपल्या मोबाइलमधील सीमकार्ड ४जी असेल तरीही, आपल्याला वेगवान इंटरनेट किंवा उत्कृष्ट डेटा स्पीड मिळत नसेल. तथापि, वेगवान इंटरनेट स्पीड मिळविण्यासाठी आपल्याला आपल्या मोबाइल सेटिंग्जमध्ये काही बदल करावे लागतील.

इंटरनेटचा स्पीड वाढवण्यासाठी आपण काही उपाय करून पाहू शकता. सर्वप्रथम मोबाईलचे सॉफ्टवेअर अप टू डेट आहे का? याची खात्री करा. मोबाईल रॅम क्लीन करत रहा.

व्हिपीएन सर्व्हिस तात्पुरती बंद करा. मोबाईलचे नोटीफीकेशन्स बंद करुन टाका. तसेच आपल्या भागात कोणत्या कंपनीच्या सीमकार्डला चांगले नेटवर्क आणि अधिक इंटरनेट स्पीड आहे, याची खात्री करून घ्या.

तुम्हीही त्या कंपनीचे सीमकार्ड घ्या. नवे सीमकार्ड घेणं शक्य नसेल, तर सध्या वापरात असलेले सीमकार्ड त्या कंपनीमध्ये पोर्ट करून घ्या.

आपल्या मोबाइलमधील सीमकार्ड ४जी अपग्रेड आहे ना, याची खातरजमा करून घ्या. सीमकार्ड ३जी असेल, तर त्यावर ४जी चालवण्याचा हट्ट धरू नका.

ब्राऊझरमध्ये प्रायव्हेट मोड वापरु नका. ब्राऊझरमध्ये गरज नसेल तेव्हा ‘ईमेज डाऊनलोड’ हा पर्याय बंद करुन ठेवा. ब्राऊझरमध्ये व्हॉईस कमांडद्वारे ईनपुट देत बसण्यापेक्षा बोटांनी टाईप करण्याचा प्रयत्न करा.

युट्यूबवर व्हिडीओ पाहताना केवळ आवाज ऐकणे आवश्यक असेल तर व्हिडीओचे रिझॉल्युशन कमीत कमी ठेवा. तुम्ही ज्या वेबसाईट्स दररोज वापरता, त्या वेबसाईट्स फेव्हरेटमध्ये ॲड करून ठेवा.

अशा काही सोप्या आणि सहज गोष्टी करून आपण आपल्या मोबाइलमधील इंटरनेटचा स्पीड वाढवू शकता, असे सांगितले जाते.

रिलायन्स जिओ, एअरटेल, व्होडाफोन-आयडिया, अशा कंपन्यांकडून ४जी सीम ऑफर केले जाते. आपले सीमकार्ड ४जी नसेल, तर ते अपग्रेड करून घ्यावे.