TikTok चे नवे अॅप आले; गाणी ऐकताच नाही, गाताही येणार
By ऑनलाइन लोकमत | Published: March 6, 2020 03:55 PM2020-03-06T15:55:17+5:302020-03-06T16:00:52+5:30
टिकटॉकची एक पेरेंट कंपनी आहे. तिचे नाव बाईटडान्स आहे. ही कंपनी नवीन फिचरची अॅप वेळोवेळी लाँच करत असते. याच कंपनीने भारतात नवीन म्युझिक अॅप Resso लाँच केले आहे.
भारतात टिकटॉक हे गेल्या दोन वर्षांत कमालीचे लोकप्रिय झालेले अॅप आहे. मात्र, या अ‍ॅपवर बंदी आणण्याचाही विचार सुरू आहे. असे असताना कंपनीने आणखी एक अॅप लाँच केले आहे.
टिकटॉकची एक पेरेंट कंपनी आहे. तिचे नाव बाईटडान्स आहे. ही कंपनी नवीन फिचरची अॅप वेळोवेळी लाँच करत असते. याच कंपनीने भारतात नवीन म्युझिक अॅप Resso लाँच केले आहे.
रेस्सो हे अॅप जियो म्युझिक, गाना, स्पॉटिफायला थेट टक्कर देणार आहे. बाईटडान्सने या अॅपला सोशल म्युझिक स्ट्रीमिंग अ‍ॅपचे नाव दिले आहे.
या अ‍ॅपमध्ये हे भन्नाट फिचर आहे, ते म्हणजे तुम्ही गाणी ऐकू शकता. पण त्याचबरोबर तुम्ही करेओकेसह गाणे गाऊही शकता. या अ‍ॅपमध्ये तुम्हाला अनेक गाण्यांचे म्युझिक ट्रॅक आणि लिरिक्स मिळतात.
या अ‍ॅपवर युजर्स त्यांचा कंटेंटही शेअर करू शकतात आणि कमेंटही करू शकतात. लिरिक्स म्युझिक सोबत तुम्हाला डिस्प्लेवर दिसणार आहे. याच्या मदतीने तुम्ही गाऊ शकणार आहात.
आतापर्यंत कोणत्याही म्युझिक अ‍ॅपवर लिरिक्स सुविधा नाहीय. यामुळे हे अॅप टिकटॉकसारखेच लोकप्रिय होण्याची शक्यता आहे. तसेच यामध्ये जिम, रिलॅक्स सारखे एनेक मोडही देण्यात आले आहेत
Resso म्युझिक अ‍ॅपमध्ये कोणत्याही गाण्यावर केलेले कमेंट पब्लिक होणार आहे. म्हणजेच ते कोणीही पाहू शकणार आहे.
तसे पहाय़ला गेल्यास टिकटॉकचे व्हिडीओ बनविताना तुम्हाला त्यांचे म्युझिक घेता येते. मात्र, या अ‍ॅपमध्ये तुम्हाला केवळ म्युझिक मिळणार असून गाण्याचा आवाज तुमचाच असणार आहे. आहे की नाही भन्नाट कल्पना.
Resso अॅप फ्री आहे. पण काही सुविधांसाठी तुम्हाला पैसे मोजावे लागू शकता. अँड्रॉईड अ‍ॅपसाठी रेसो अॅपला 99 रुपये आणि आयफोनसाठी 199 रुपये महिना फी भरावी लागते.
पेड सर्व्हिस घेणाऱ्यांना म्युझिक डाऊनलोड करणे आणि हाय क्वालिटी ऑडिओ सारख्या सुविधा मिळणार आहेत.
या अॅपला आतापर्यंत पाच लाख जणांनी डाऊनलोड केले आहे.