WhatsApp युजर्सची धमाल, Video कॉलवर फिल्टर लावता येणार, बॅकग्राऊंड बदलण्याचीही संधी

WhatsApp : आर्टिफिशियल इंटेलिजेंसचा वाढता ट्रेंड पाहता आता कंपनी कॉलसाठी नवीन AR फीचर आणत आहे.

WhatsApp वर नवनवीन फीचर्स कायम येत असतात. त्यामुळे युजर्सला आणखी चांगला एक्सपीरिएन्स मिळतो. आर्टिफिशियल इंटेलिजेंसचा वाढता ट्रेंड पाहता आता कंपनी कॉलसाठी नवीन AR फीचर आणत आहे.

WABetaInfo ने आपल्या पोस्टद्वारे माहिती दिली आहे की, WhatsApp कॉल इफेक्ट आणि फिल्टरसाठी एक नवीन AR फीचर आणत आहे. यासह, कॉलिंग पूर्वीपेक्षा अधिक चांगलं आणि मजेदार होईल. कंपनीने हे फीचर अँड्रॉइड बीटा 2.24.16.7 अपडेट आणि iOS बीटा अपडेट 24,17.10.74 मध्ये सादर केलं आहे.

हे नीट समजून घेण्यासाठी WB ने एक स्क्रीनशॉट देखील शेअर केला आहे. नवीन टूल कॉलिंग दरम्यान व्हिडीओ कॉलिंग अनुभवामध्ये कसा मोठा बदल घडवून आणेल हे पाहता येईल. यामध्ये युजर्सना वेगवेगळे फेस फिल्टरही मिळतील.

युजर्स कॉलिंग दरम्यान त्यांच्या आवडीनुसार फिल्टर बदलू शकतील. मुलींना अॅपमधील फिल्टर्स खूप आवडतात, असं म्हटल्यास ते चुकीचं ठरणार नाही, त्यामुळे हे फीचर त्यांना खूप आनंदित करतील.

WhatsApp ने बॅकग्राऊंड एडिटिंग टूल देखील सादर केलं आहे जे व्हिडीओ कॉल पर्सनलाईज करण्याचे आणखी मार्ग प्रदान करते. हे टूल युजर्सना त्यांच्या सभोवतालच्या गोष्टी अस्पष्ट करण्याची किंवा WhatsApp बॅकग्राऊंड बदलण्याची संधी देतं.

आणखी एक खास फीचर जे युजर्ससाठी खूप उपयुक्त असेल ते म्हणजे युजर्सना या फीचर अंतर्गत लो-लाइट मोड बटण देखील मिळेल. या फीचरच्या नावावरूनच हे फीचर कमी प्रकाशासाठी असल्याचं सूचित होतं.

जर तुमच्या कॉल दरम्यान आजूबाजूला लाईट नसेल तर या फीचरच्या मदतीने लाईट वाढवता येईल. याशिवाय यात टच-अप मोडही दिला जात आहे. याचा युजरला मोठा फायदा होऊ शकतो.

AR फीचरची आणखी एक खास गोष्ट म्हणजे तुम्ही कॉल करताना जी काही सेटिंग कराल, पुढच्या वेळी कॉल कराल तेव्हा तुम्हाला तीच सेटिंग पुन्हा करावी लागणार नाही आणि ते आपोआप मागील वेळेप्रमाणे सेट होईल.

या फीचरमध्ये उपलब्ध सर्व मोड्स पाहता असं दिसतं की कॉल करणं आता पूर्वीपेक्षा अधिक इंटरएक्टिव्ह, सोपे आणि मजेशीर होणार आहे. WhatsApp हे संवाद साधण्याचं अत्यंत प्रभावी माध्यम आहे.