बेबी मावशी ते राजश्री वहिनी! ‘राजा रानीची ग जोडी’ मधील कलाकारांचे रिअल लाईफ पार्टनर पाहिलेत का?

Raja ranichi g jodi: सध्या या मालिकेतील कलाकारांच्या रिअल लाइफ पार्टनरची चर्चा रंगताना दिसते. त्यामुळे या कलाकारांचे जोडीदार कोण ते पाहुयात.

राजा रानीची गं जोडी या मालिकेने अल्पावधीत प्रेक्षकांच्या मनात स्थान निर्माण केलं आहे. त्यामुळे या मालिकेतील कलाकार कायमच सोशल मीडियावर चर्चेत असतात. सध्या या मालिकेतील कलाकारांच्या रिअल लाइफ पार्टनरची चर्चा रंगताना दिसते. त्यामुळे या कलाकारांचे जोडीदार कोण ते पाहुयात.

आईसाहेब - राजा रानीची गं जोडी या मालिकेतील आईसाहेब ही भूमिका विशेष गाजताना दिसते. ही भूमिका अभिनेत्री शुभांगी गोखले यांनी साकारली आहे.

शुभांगी गोखले यांचं लग्न प्रसिद्ध अभिनेता मोहन गोखले यांच्यासोबत झालं होतं. मात्र, मोहन गोखले सध्या आपल्यात नाहीत.

बेबी मावशी- या मालिकेतील सगळ्यात गोड भूमिका म्हणजे बेबी मावशी. प्रत्येकावर प्रेम, माया करणाऱ्या बेबी मावशीची भूमिका अभिनेत्री गार्गी फुले साकारत आहे.

गार्गी फुले दिवंगत अभिनेता निळू फुले यांची लेक आहे. गार्गी यांचं खऱ्या आयुष्यात लग्न झालं असून त्यांनी ओंकार थत्तेसोबत लग्न केलं आहे.

राजश्री- या मालिकेत कटकारस्थान करणारी व्यक्ती म्हणजे राजश्री वहिनी. ही भूमिका श्रुती अत्रे हिने साकारली आहे.

श्रुतीचं खऱ्या आयुष्यात लग्न झालं असून तिने अश्विन याच्यासोबत ३ वर्षांपूर्वी लग्न केलं आहे.

दादासाहेब- दादासाहेब ही भूमिका देखील सध्या गाजताना दिसत आहे. ही भूमिका शैलेश कोरडे यांनी साकारली आहे.

काही महिन्यांपूर्वीच त्यांनी अभिनेत्री श्रुती कुलकर्णीसोबत लग्नगाठ बांधली.

अपर्णा- या मालिकेमध्ये काही दिवसापूर्वी अपर्णा हिची एन्ट्री झाली आहे. ही भूमिका अंकिता निकरड हिने साकारली आहे. अंकिताने काही दिवसापूर्वीच ज्ञानेश भुकेले याच्यासोबत लग्न केले आहे.

रंजीत- राजा रानीची ग जोडी या मालिकेमध्ये मध्यवर्ती भूमिका साकारणारा अभिनेता म्हणजे रणजीत ढालेपाटील. रणजीतची भूमिका अभिनेता मनीराज पवार साकारत आहे.

मनीराज सध्या सिंगल असून त्याचे नाव अद्यापही कुठल्या अभिनेत्री सोबत जोडलं गेलेलं नाही.

संजू- या मालिकेतील अभिनेत्री शिवानी सोनार हिने संजू ही मुख्य भूमिका साकारली आहे. शिवानी सध्या तिच्या अभिनयामुळे सर्वत्र चर्चेत येत आहे.

शिवानी अद्यापही सिंगल असून तिचं नाव कोणत्याही अभिनेत्यासोबत किंवा व्यक्तीसोबत जोडलं गेलेलं नाही.

सुजित- या मालिकेमध्ये रणजीतच्या भावाच्या भूमिकेत पार्थ घाटगे झळकला आहे. सुजित ढालेपाटील ही भूमिका साकारुन तो लोकप्रियता मिळवत आहे.

पार्थही सध्या सिंगल असून त्याचं नाव कोणत्याही मुलीसोबत जोडलं गेलेलं नाही.

मोना (दुसरी)- ही भूमिका सध्या ऐश्वर्या शिंदे साकारत आहे. ऐश्वर्यादेखील सध्या सिंगल असून तिचे नाव देखील कोणासोबतही जोडले गेले नाही. ऐश्वर्याची ही पहिलीच मालिका आहे.