Sania Mirza Net Worth : चॅम्पियन सानिया मिर्झा देखील कमाईत अव्वल, जाणून घ्या संपत्ती

भारतीय टेनिस स्टार सानिया मिर्झाने टेनिस करिअरमधून निवृत्त घेण्याचे जाहीर केले आहे. सानिया मिर्झा पुढच्या महिन्यात दुबई येथे होणारा टेनिस चॅम्पियनशीप खेळणार आहे, ही चॅम्पियनशीप सानियाच्या करिअरमधील शेवटची टुर्नामेंट असणार आहे.

36 वर्षीय सानिया मिर्झा दुहेरीतही जागतिक क्रमवारीत नंबर-1 राहिली आहे. भारतीय टेनिस सेन्सेशन सानिया मिर्झा अब्जावधी रुपयांच्या संपत्तीची मालक आहे. दोन दशकांच्या टेनिस कारकिर्दीत सानियाने अनेक टप्पे गाठले आहेत.

सानिया मिर्झाने अर्जुन पुरस्कार (2004), पद्मश्री पुरस्कार (2006), राजीव गांधी खेल रत्न पुरस्कार (2015) आणि पद्मभूषण पुरस्कार (2016) प्राप्तकर्ता आहे. सानियाने आतापर्यंत 6 मोठ्या चॅम्पियनशिपमध्ये पदके जिंकली आहेत. तिने ऑस्ट्रेलियन ओपन (2016), विम्बल्डन (2015) आणि यूएस ओपन (2015) दुहेरीत विजेतेपद पटकावले आहेत. याशिवाय त्याने मिश्र दुहेरीत तीन ग्रँड स्लॅम ऑस्ट्रेलियन ओपन (2009), फ्रेंच ओपन (2012) आणि यूएस ओपन (2014) विजेतेपदेही जिंकली आहेत.

2022 पर्यंत सानिया मिर्झाची एकूण संपत्ती 25 डॉर दशलक्ष म्हणजे सुमारे 200 कोटी रुपये होती. त्यात बक्षीस रक्कम आणि जाहिरातींमधून मिळणारी कमाई यांचाही समावेश आहे.

सानिया मिर्झाने WTA टूरमधून 6,963,060 डॉलर बक्षीस रक्कम कमावली आहे. सानिया मिर्झा तेलंगणा राज्याची ब्रँड अॅम्बेसेडर आहे. Adidas, Sprite सारख्या अनेक ब्रँड्सची ती ब्रँड अॅम्बेसेडर आहे.

सानिया मिर्झा हैदराबादमध्ये एका हवेलीत राहते आणि तिचे दुबईतही घर आहे. तिच्याकडे मोटारींचाही मोठा संग्रह आहे.

सानियाकडे BMW X3 आणि Porsche Carrera GT ही गाडी आहे. मर्सिडीज बेंझ, ऑडी आणि रेंजर रोव्हर यांचाही यात समावेश आहे.

सानिया मिर्झाने 2010 मध्ये शोएब मलिकशी लग्न केले. या दोघांना 30 ऑक्टोबर 2018 ला एक मुलगा झाला. आता पाकिस्तानी मीडियामध्ये सानिया आणि शोएबच्या घटस्फोटाच्या चर्चा सुरू आहेत. दोघांचा अधिकृत घटस्फोट झाल्याचा दावाही केला जात आहे.

सानियाने wtatennis.com ला सांगितले की, 'मागील वर्षी WTA फायनलनंतरच निवृत्ती घेण्याचा विचार केला होता. पण उजव्या कोपराच्या दुखापतीमुळे यूएस ओपन आणि उर्वरित स्पर्धेतून नाव मागे घ्यावे लागले. मी माझ्या अटींवर जगणारी व्यक्ती आहे. यामुळेच मला दुखापतीमुळे बाहेर पडायचे नाही आणि मी अजूनही प्रशिक्षण घेत आहे. दुबई टेनिस चॅम्पियनशिपनंतर मी निवृत्ती घेण्याचा विचार करत असल्याचेही हेच कारण आहे.