पंजाबमधील 'या' 10 प्रसिद्ध पर्यटन स्थळांना नक्की भेट द्या!

अमृतसर - पंजाबला शिखांची नगरी असंही म्हटलं जातं. पंजाबच्या खान-पान, पेहरावात एक वेगळंच वैशिष्ट्य आहे. पंजाबमधलं अमृतसर फारच प्रसिद्ध आहे. अमृतसरमधल्या सुवर्णमंदिरात दरवर्षी हजारो पर्यटक भेट देतात.

चंदीगड- पंजाबची राजधानी असलेलं चंदीगडही प्रसिद्ध पर्यटनस्थळ आहे. इथे रोज गार्डन, फन सिटी, रॉक गार्डनसारखी फिरण्यासाठी अनेक ठिकाणं आहेत.

शिशमहल- पंजाबला भारताची शान संबोधलं जातं. इथली शेती आणि हिरवळ नेहमीच पर्यटकांना भुरळ घालत असते. पंजाबमधलं फार जुनं असलेलं शिशमहलही पर्यटकांच्या आकर्षणाचं केंद्र आहे.

जालंधर- पंजाबमधलं जालंधर शहर पर्यटनासाठी चांगला पर्याय आहे. इथे आपल्याला देवी तलाव मंदिर, वंडरलँड थीम पार्क, सेंट मेरी कॅथेड्रल चर्च, निक्कू पार्क आदी ठिकाणं नावाजलेली आहेत.

आनंदपूर साहिब- आनंदपूर साहिब हे प्रसिद्ध गुरुद्वारांपैकी एक आहे. इथे भाविकांची कायमच गर्दी असते.

लुधियाना- लुधियानात फिरण्यासाठी लोधी फोर्ट, रुरल हेरिटेज म्युझिअम, टायगर जू, नेहरू रोज गार्डन प्रसिद्ध आहे.

बठिंडा- पंजाबमधल्या बठिंडामध्ये अनेक ठिकाणं पर्यटकांना आकर्षित करतात.

रोपड- आनंदपूर साहिबसारखं रोपड वेटलँडही पर्यटकांमध्ये प्रसिद्ध आहे. इथलं गुरुद्वारा साहिब आणि जुनं शिव मंदिर पर्यटकांचं लक्ष वेधून घेतात.

कपूरथला- कपूरथलामध्ये आपण पंज मंदिर, जगजित क्लब सारखी ठिकाणांची भटकंती करू शकतो. तसेच इथल्या शालीमार गार्डनमध्येही पूर्ण दिवस व्यतित करता येतो.

पठाणकोट- पठाणकोटमध्ये मुक्तेश्वर मंदिर, आशापूर्णी मंदिर, प्राचीन कालीमाता मंदिर, नुरपूर किल्ला आदी ठिकाणं आपल्याला पाहता येतात. तसेच इथे ऐतिहासिक शाहपुर्कंदी किल्लाही आहे.