राष्ट्रीय महामार्गावर वाहनाच्या धडकेत सांबराचा मृत्यू

जुना मुंबई- पुणे महामार्गावर अहिरवडे फाटा येथे एका अज्ञात वाहनाच्या धडकेत वन्यप्राणी सांबराचा मृत्यू झाला.

कामशेत : जुना मुंबई- पुणे महामार्गावर अहिरवडे फाटा येथे एका अज्ञात वाहनाच्या धडकेत वन्यप्राणी सांबराचा मृत्यू झाला. ही घटना मंगळवारी ( दि. २३ ) सकाळच्या सुमारास घडली. घटनेची माहिती मिळताच वन्यजीव रक्षक अनिल आंद्रे, तुषार सातकर व प्रमोद ओव्हाळ हे घटनास्थळी आले. त्यांनी याबाबतची माहिती वनविभागाला दिली. वनरक्षक विभागातील कर्मचाऱ्यांनी यांनी घटनास्थळी येत अपघातातील मृत सांबराचा पंचनामा करून शवविच्छेदनासाठी घेऊन गेले.