पिंपळे गुरव : पिंपरी-चिंचवड महापालिका सार्वत्रिक निवडणुकीमध्ये नवी सांगवी-पिंपळे गुरव प्रभाग क्रमांक ३१मधील सर्वसाधारण गटातील अपक्ष उमेदवार नवनाथ जगताप यांनी मतदार भेटींवर भर दिला आहे. आज पदयात्रा काढण्यात आली. शिट्टीचा आवाज घुमला.अपक्ष उमेदवार नवनाथ जगताप यांनी आपल्या समर्थकांसह सुटीच्या दिवशी रविवारी हजारो समर्थकांसह प्रत्यक्ष मतदारांच्या भेटी घेतल्या. त्यांनी परिसरातील डॉक्टर, वकील, शिक्षक, कामगार वर्ग आदींच्या भेटी घेऊन संपर्क साधला. महिलांनी नवनाथ जगताप यांची ओवाळणी करून औक्षण केले. या वेळी त्यांच्या सुविद्य पत्नी स्वप्नाली नवनाथ जगताप यांनी महिलांची भेट घेऊन अडचणी समजावून घेतल्या. मतदारांच्या भेटीवर भर दिला असल्याने वैयक्तिक अडचणी समजावून घेत आहेत. (वार्ताहर)
नवी सांगवी परिसरात घुमतोय शिट्टीचा आवाज
By admin | Published: February 13, 2017 1:51 AM