राष्ट्रवादीसाठी महिलांचा पुढाकार

रहाटणी-पिंपळे सौदागर प्रभाग क्रमांक २८ मधील राष्ट्रवादी कॉँग्रेस पक्षाचे उमेदवार विठ्ठल उर्फ नाना काटे, शीतल काटे, अनिता संदीप काटे

रहाटणी : रहाटणी-पिंपळे सौदागर प्रभाग क्रमांक २८ मधील राष्ट्रवादी कॉँग्रेस पक्षाचे उमेदवार विठ्ठल उर्फ नाना काटे, शीतल काटे, अनिता संदीप काटे, कैलास कुंजीर यांनी रहाटणी-पिंपळे सौदागर परिसरात प्रचार फेरी काढली. फेरीत महिला व युवतींची संख्या लक्षणीय होती. सर्व उमेदवारांनी प्रभागातील सोसायटी परिसरात नागरिकांशी संवाद साधला. यासाठी महिला व युवतींनी स्वत: पुढाकार घेतला. मतदारांशी संवाद साधताना नाना काटे म्हणाले, प्रभागातील महिलांच्या सुरक्षिततेसाठी नाना काटे सोशल फाउंडेशनच्या कार्यकर्त्यांकडून दक्षतेच्या उपाययोजना केल्या जातात. रहाटणी-पिंपळे सौदागर परिसरात कायदा व सुरक्षेच्या दृष्टिकोनातून पिंपळे सौदागरला स्वतंत्र पोलीस चौकी सुरु केलेली आहे. प्रभागात अंतर्गत रस्त्यांवर पीएमपीच्या माध्यमातून सार्वजनिक वाहतूक व्यवस्था वाढविणे. विद्यालयांच्या परिसरात सुरक्षा व्यवस्था वाढविणे व मुख्य चौक व महत्त्वाच्या ठिकाणी सीसीटीव्ही कॅमेरे बसविणे, महिलांसाठी आवश्यक तेथे स्वच्छतागृहाची उभारणी केली जाणार आहे. निवडणुकीत प्रभागाचे नेतृत्व करण्यासाठी दोन महिला उमेदवार विद्यमान नगरसेविका शीतल काटे व शिक्षण क्षेत्रात कार्यरत असणाऱ्या अनिता संदीप काटे निवडणूक रिंगणात आहेत. प्रभागातील महिलांच्या वैयक्तिक अडीअडचणी जाणून घेऊन त्यांना तत्परतेने मदत देण्यासाठी स्वतंत्र महिला जनसंपर्क कार्यालय उभारणार असल्याचे काटे यांनी सांगितले. (वार्ताहर)