ओतूर : नगर-कल्याण महामार्गावर शनिवारी पहाटे ३.३० च्या दरम्यान ओतूरजवळील कोळमाथा (ता. जुन्नर) येथे शिर्डीला जाणाऱ्या भाविकांच्या गाडीचे स्टेअरिंग लॉक झाल्याने झालेल्या अपघात १ जण जागीच ठार झाला. तिघांची प्रकृती गंभीर असून, ७ जण किरकोळ जखमी झाले आहेत. पोलिसांनी दिलेल्या माहितीनुसार सचिन जनार्दन मुगे (वय २६) असे मृत युवकाचे नाव आहे. तर महेश दिनकर काळे, राम दशरथ फटाले, सुनील बाबू मेकारवाडे हे तिघे गंभीर आहेत. मृतासह सर्व भाविक हे मुंबई येथील रहिवासी आहेत. इतर जखमींची नावे समजू शकली नाहीत. सध्या या मार्गाच्या रुंदीकरणाचे काम सुरू आहे. रस्त्याच्या दोन्ही बाजूला मातीचे ढिगारे आहेत. अपघाताची माहिती मिळताच सहायक पोलीस निरीक्षक टी. वाय. मुजावर, पोलीस नाईक शरद लोखंडे, मोरे, कारखिले, पवार यांनी घटनास्थळी जाऊन घटनास्थळाचा पंचनामा केला. जखमींवर आळेफाटा येथील रुग्णालयात उपचार सुरू आहेत.
मोटारीच्या अपघात १ ठार; ३ गंभीर
By admin | Published: January 10, 2016 3:50 AM