पेट्रोलपंपावर जमा झालेले २७ लाख चोरट्यांनी लुटले

पेट्रोल पंपाचा एक कर्मचारी आणि चालक पंपात जमा झालेली २७ लाख रुपयांची रक्कम बँक आॅफ इंडियाच्या भवानी पेठ शाखेमध्ये भरण्यासाठी घेवून जात होते.

ठळक मुद्देबिबवेवाडी-कोंढवा रोडवरील लाईट हाऊस समोर सोमवारी सकाळी साडेअकरा वाजता घडला प्रकार

पुणे : पेट्रोल पंपावर जमा झालेले २७ लाख रुपये बँकेत भरण्यासाठी घेऊन जात असताना दुचाकीवरून आलेल्या दोन चोरट्यांनी लुटले आहे. बिबवेवाडी-कोंढवा रोडवरील लाईट हाऊस समोर सोमवारी सकाळी साडेअकरा वाजता हा प्रकार घडला.     दोन दुचाकीवरून येत चोरट्यांनी वॅगनआर (एम.एच-१२ डीई. ७०२३) कारमधील रक्कम चोरली. सातारा रस्त्यावरील अहिल्यादेवी चौकात असलेल्या पेट्रोल पंपाचा एक कर्मचारी आणि चालक पंपात जमा झालेली २७ लाख रुपयांची रक्कम बँक आॅफ इंडियाच्या भवानी पेठ शाखेमध्ये भरण्यासाठी घेवून जात होते. त्यावेळी चोरट्यांनी कॅश घेऊन जात असलेल्या कारला दुचाकी आडवी घालून अडवले. त्यानंतर एका चोरट्याने कॅश असलेली बॅग कोयत्याचा धाक दाखवत कर्मचा-याकडून हिसकावली व एक दुचाकी (एम. एच. एआर ८४१२) त्याठिकाणी सोडून दोघे चोरटे  फरार झाले.     दरम्यान, चोरट्यांनी चारचाकी अगदी दुभाजकाला चिटकून उभी केल्याने चालकाला खाली उतरता आले नाही. तसेच या परिसरात सीसीटीव्हींची संख्या देखील कमी असल्याचे समजते.घटनेची माहिती मिळताच पोलीस घटनास्थळी दाखल झाले असून पुढील तपास सुरू आहे.