शिक्षक पतसंस्थेच्या अध्यक्षपदी आनंदराव बांदल

शिक्षक पतसंस्थेच्या अध्यक्षपदी आनंदराव कोंडिबा बांदल तर उपाध्यक्षपदी राजेंद्र शिवाजी बोडके यांची बिनविरोध निवड करण्यात आली़

नेरे : भोर तालुका प्राथमिक शिक्षक पतसंस्थेच्या अध्यक्षपदी आनंदराव कोंडिबा बांदल तर उपाध्यक्षपदी राजेंद्र शिवाजी बोडके यांची बिनविरोध निवड करण्यात आली़ २०१६ ते २१ साठी ही निवड करण्यात आली.शिक्षक संघटना विरुद्ध शिक्षक समिती अशी निवडणूक घेण्यात आली़ या निवडणूक प्रक्रियेदरम्यान संघटनेला १५ तर समितीला ० असा निकाल मिळाला़ निवडणूक निर्णय अधिकारी म्हणून व्ही. पी़ कोतकर यांनी काम पाहिले़निवडणूक यशस्वी पार पाडण्यासाठी राज्याचे शिक्षकनेते सचिन डिंबळे, संघटनेचे तालुका अध्यक्ष अप्पा सावंत, पंडित गोळे, सुदाम ओंबळे, प्रसिद्धी प्रमुख बापू जेधे, गटनेते अनंता आंबवले यांनी सहकार्य केले़ या वेळी माजी अध्यक्ष मारुती तनपुरे, म्हाळवडी सरपंच दत्ता पवार, सुरेश कडू, बारे सरपंच गोविंद बदक, सुरेश बोडके, शिवाजी जाधव आदींसह तालुक्यातील संघटनेचे शिक्षक उपस्थित होते़ नवनिर्वाचित अध्यक्ष, उपाध्यक्षांचा संघटनेच्या वतीने सत्कार करण्यात आला़