पुणे : किरकोळ वादातून एकाच्या खुनाचा प्रयत्न केल्याप्रकरणी दत्तवाडी पोलिसांनी आणखी एकाला अटक केली. योगेश राजेंद्र जांभळे (वय २३, रा. जनता वसाहत) असे त्याचे नाव आहे़ दत्तवाडी पोलिसांनी गोविंद बाळशेखर मुदलीयार (वय २६), मंजुनाथ शांतू बिराजदार (वय २५, रा़ पर्वती) यांना यापूर्वी अटक केली आहे. याप्रकरणी प्रकाश बिराजदार, पप्पू तोंडे, गणेश पोळेकर यांच्यावरही गुन्हा दाखल केला आहे.याप्रकरणी संकेत चंद्रकांत ऐदाळे (वय २१, रा. पर्वती) यांनी फिर्याद दिली. संकेत ऐदाळे व त्यांचे मित्र १० आॅगस्ट रोजी पर्वती पायथ्याशेजारील कॅनॉलजवळील रस्त्याने जात असताना आमच्याकडे काय पाहता, असे म्हणून आरोपींनी त्यांच्यावर लाकडी बांबू आणि लोखंडी कोयत्याने वार करून त्यांच्या खुनाचा प्रयत्न केला होता़ याप्रकरणी जांभळे याला अटक करून न्याालयात हजर करण्यात आले असता सरकारी वकील एस. ए. क्षीरसागर यांनी त्याला पोलीस कोठडी देण्याची मागणी केली. प्रथमवर्ग न्यायदंडाधिकारी एन. एन. शेख यांनी त्याला १५ आॅक्टोबरपर्यंत पोलीस कोठडीत ठेवण्याचा आदेश दिला आहे. (प्रतिनिधी)
खुनाचा प्रयत्न; आणखी एकाला अटक
By admin | Published: October 14, 2016 4:52 AM