---
गराडे : संपूर्ण जगभरात कोरोनाने थैमान घातले आहे. संपूर्ण देशात व महाराष्ट्रात कोरोनाच्या रुग्णांची संख्या दिवसेंदिवस वाढत आहे. त्यामुळे रक्ताचा तुटवडा जाणवत आहे. हा रक्त तुडवडा भरून काढून देशसेवेसाठी रक्तदान शिबिराचे आयोजन करण्याचे आवाहन पत्रकार संघाच्यावतीने करण्यात आले होते. त्याला प्रतिसाद देताना तब्बल १०५ ग्रामस्थांनी रक्तदान करत या शिबिराला भरघोस प्रतिसाद दिला.
पुणे जिल्हा पत्रकार संघ, पुरंदर तालुका मराठी पत्रकार संघ, भिवरी ग्रामपंचायत, येवले फाउंडेशन व पुरंदर सोशल फाउंडेशन यांच्यावतीने अक्षय ब्लड बँकेच्या सहकार्याने जि. प. प्राथमिक शाळा, भिवरी, ता. पुरंदर येथे मंगळवारी (३ मे) रक्तदान शिबिर आयोजित केले होते. शिबिराचे उद्घाटन पुरंदर पंचायत समितीचे माजी उपसभापती दत्तात्रय काळे यांच्या हस्ते झाले. या वेळी सरपंच संजय कटके, उपसरपंच प्रणोती कटके, ग्रामपंचायत सदस्य दिलीप कटके, मारुती कटके, माउली घारे, पुणे जिल्हा राष्ट्रवादी काँग्रेस उपाध्यक्ष भैय्यासाहेब खैरे, गणेश अपंग संघ अध्यक्ष गुलाब घिसरे, विशाल पुरंदर पतसंस्थेचे संचालक, सखाराम कटके, प्रहार अपंग संघटना प्रदेशाध्यक्षा सुरेखा ढवळे, भाऊसाहेब कटके, संभाजी नाटकर, पोपट कटके, हरिदास दळवी, प्रकाश कटके, दत्तात्रय ताम्हाणे, हनुमंत साळुंके, रामहरी कटके, रामदास कटके
ग्रामविकास अधिकारी अविनाश निगडे, तलाठी गणपत खोत, रोहिदास राणे आदींसह भिवरीकर ग्रामस्थ उपस्थित होते.
रक्तदान शिबिराचे आयोजन पुणे जिल्हा पत्रकार संघाचे अध्यक्ष सुनील लोणकर, पुरंदर तालुका पत्रकार संघाचे अध्यक्ष राहुल शिंदे, जिल्हा प्रतिनिधी बी. एम. काळे, उपाध्यक्ष किशोर कुदळे, मार्गदर्शक प्रदीप जगताप, भरत निगडे, नीलेश जगताप, एस. पी. दळवी, योगेश घोरपडे, भिवरी सरपंच संजय कटके, येवले फाउंडेशनचे नीलेश येवले, गणेश येवले, शैलेश येवले, मोतीराम येवले, अशोक येवले, पुरंदर सोशल फाउंडेशनचे विश्वस्त गणेश लोणकर, शेखर पिसे, नीलेश मोरे, योगेश खेनट, उमेश कुदळे, सुनील कटके यांनी यशस्वीपणे केले. प्रास्तविक संजय कटके यांनी केले. सूत्रसंचालन माउली घारे यांनी केले. आभार मोतीराम येवले यांनी मानले.
---
फोटो क्रमांक : ०४ गराडे रक्तदान शिबिर
फोटोओळी - भिवरी (ता .पुरंदर) येथील रक्तदान शिबिर उद्घाटनप्रसंगी दत्तात्रय काळे समवेत सरपंच संजय कटके.