ज्येष्ठ ‘सीएं’साठी कोविड लसीकरण

पुणे : दि इन्स्टिट्यूट ऑफ चार्टर्ड अकाउंटंट्स ऑफ इंडिया (आयसीएआय) शाखेच्या वतीने ज्येष्ठ सनदी लेखापाल व त्यांचे जवळील नातेवाईक यांच्यासाठी कोविड-१९ लसीकरण शिबिर आयोजिले आहे. बिबवेवाडी, पुणे-सातारा रस्त्यावरील राव नर्सिंग होम येथे हे शिबिर होणार आहे. साठ वर्षांवरील, तसेच ४५ ते ६० या वयोगटातील सनदी लेखापालांना व त्यांच्या कुटुंबियांना याचा लाभ घेता येईल, अशी माहिती आयसीएआय पुणे शाखेचे अध्यक्ष सीए समीर लड्डा, उपाध्यक्ष सीए काशिनाथ पठारे यांनी दिली. लसीकरणासाठी https://selfregistration.cowin.gov.in/ या संकेतस्थळावर नावनोंदणी करणे आवश्यक आहे. नोंदणीनंतर 'आयसीएआय पुणे'कडून लसीकरणाची तारीख आणि वेळ कळविण्यात येईल. नोंदणी व अन्य अधिक माहितीसाठी ‘आयसीएआय’ भवन येथे श्वेताली, सीए समीर लड्डा किंवा सीए काशिनाथ पठारे यांच्याशी सकाळी १० ते ५ यावेळेत संपर्क साधावा, असे संयोजकांनी कळविले आहे.