लोकमत न्यूज नेटवर्कपिंपरी : चिखली, जाधववाडी येथे घरासमोरील मोकळ्या जागेत बसलेल्या नरसिंग विठोबा गायकवाड (वय ७५) यांना मोटारीची धडक बसली. गंभीर जखमी झाल्याने त्यांचा मृत्यू झाला. निष्काळजीपणे वाहन चालवून मृत्यूस कारणीभूत ठरल्याप्रकरणी किशोर अप्पासाहेब खोजे (वय २२, रा. सावतामाळीनगर जाधववाडी, चिखली) या वाहन चालकाविरुद्ध गुन्हा दाखल झाला आहे. पोलिसांनी दिलेल्या माहितीनुसार, सावतामाळी जाधववाडी येथे नरसिंग घराजवळील मोकळ्या जागेत बसले होते. त्या वेळी वाहतुकीच्या नियमांकडे दुर्लक्ष करून भरधाव वेगाने वाहन चालवून वाहनचालक किशोर याने त्यांना धडक दिली. या अपघातात वृद्धाचा मृत्यू झाला. हिराचंद गायकवाड यांनी वाहनचालकाविरुद्ध फिर्याद दाखल केली आहे.
वाहनाच्या धडकेने चिखलीत वृद्धाचा मृत्यू
By admin | Published: May 22, 2017 5:03 AM