लकी विजेत्यांना मोफत पेट्रोल

शहरातील जास्तीत जास्त नागरिकांनी मतदानाचा हक्क बजावावा, यासाठी पेट्रोल पंप डीलर असोसिएशन व क्रेडाई संस्थेच्यावतीने

पुणे : शहरातील जास्तीत जास्त नागरिकांनी मतदानाचा हक्क बजावावा, यासाठी पेट्रोल पंप डीलर असोसिएशन व क्रेडाई संस्थेच्यावतीने लकी विजेत्यांना मोफत १ लिटर पेट्रोल दिले जाणार आहे, मात्र हे पेट्रोल त्याच दिवशी दुपारी बारापर्यंत भरण्याची अट प्रशासनाकडून घालण्यात आली आहे.मतदानाबाबत जागृती करण्यासाठी हा उपक्रम राबविण्यात येत आहे. शहरातील ३४३१ मतदान केंद्रांवर सर्वांत प्रथम मतदानासाठी आलेल्या शंभर पुरुष आणि शंभर महिलांना केंद्राच्या बाहेर आल्यानंतर कूपन दिले जाणार आहे. या कूपन्समधील ५ विजेत्यांना मोफत एक लिटर पेट्रोल दिले जाणार आहे. प्रत्येक मतदान केंद्रावर अशा पद्धतीने दहा मतदारांना मोफत पेट्रोल दिले जाणार आहे. मात्र, दुपारी बारापर्यंतच मतदारांना हे पेट्रोल भरण्याची अट घालण्यात आली आहे.