शाळकरी मुलीवर बलात्कार करणारा आरोपी गजाआड

सायंबाचीवाडी (ता. बारामती) येथील अल्पवयीन शाळकरी मुलीवर बलात्कार केल्याप्रकरणी गुन्हा दाखल असलेला आरोपी संभाजी किसन कोलते (वय ४१) याला पोलिसांनी शनिवारी (दि.५) सायंकाळी महिनाभरानंतर अटक केली.

लोकमत न्यूज नेटवर्कवडगाव निंबाळकर : सायंबाचीवाडी (ता. बारामती) येथील अल्पवयीन शाळकरी मुलीवर बलात्कार केल्याप्रकरणी गुन्हा दाखल असलेला आरोपी संभाजी किसन कोलते (वय ४१) याला पोलिसांनी शनिवारी (दि.५) सायंकाळी महिनाभरानंतर अटक केली. रविवारी (दि.६) न्यायालयासमोर हजर केले असता आरोपीला तीन दिवसांची पोलीस कोठडी सुनावली आहे.पीडित मुलीच्या आईने वडगाव निंबाळकर पोलीस ठाण्यामध्ये २९ जून रोजी तक्रार दिली होती. आॅक्टोबर २०१६ ते सप्टेंबर २०१७ या कालावधीत वारंवार अत्याचार झाले. पीडित मुलगी गरोदर राहिल्याने तिच्या आईने विश्वासात घेऊन मुलीला विचारले असता हा प्रकार उघडकीस आला होता.तक्रारीवरून कोलते याच्यावर पोलिसांनी बलात्कार व बाललैंगिक अत्याचाराचा गुन्हा दाखल केला होता. महिना उलटला तरी आरोपीचा ठावठिकाणा लागला नाही. पीडित मुलीच्या घरची परिस्थिती हालाखीची आहे. आई-वडील मोलमजुरी करतात.यामुळे झालेल्या अन्यायाविरोधात दाद कोठे मागायची याची माहितीसुद्धा नाही. चौकशीसाठी मुलीला पोलीस ठाण्यात वारंवार जावे लागले. पण आरोपी मात्र मोकाट असल्याने पोलिसांच्या कार्यपद्धतीवर नाराजी व्यक्त करण्यात येत होती. पोलिसांकडून तपास चालू असल्याचे उत्तर मिळत असल्याने आम्हाला न्याय कधी मिळणार, असा प्रश्न पीडित कुटुंबाने उपस्थित केला होता. अखेर दबाव वाढल्याने पोलिसांनी तपासाची चक्रे फिरवत आरोपीला शनिवारी(दि. ५) सायंकाळी ताब्यात घेतले.