खरपुडीला यंदा सोमवती यात्रा नाही, भक्तांचा हिरमोड

अमावास्येमुळे अडचण : भक्तांचा हिरमोड

दावडी : प्रति जेजुरी म्हणून ओळख असलेले खरपुडी खुर्द (ता. खेड) येथील खंडोबा देवाची सोमवारी (दि. ८) सोमवती यात्रा भरणार नाही.या दिवशी सकाळी ११ वाजून ३२ मिनटांनी अमावसया सुरू होत असून ही अमावास्या दुसऱ्या दिवशी मंगळवारी ९ वाजून २७ मिनिटांनी संपते. सोमवती अमावास्येच्या दिवशी उगवत्या सूर्याला अमावास्येचा स्पर्श होत नसल्याने देवाचा पालखी सोहळा निघणार नसल्याचे खंडोबा देवस्थान ट्रस्टचे अध्यक्ष काकासाहेब गाडे यांनी सांगितले.निमगाव येथेही नाही भरणार यात्रानिमगाव खंडोबा (ता. खेड) येथे ही सोमवती अमवस्या नसल्याने स्नानासाठी देवाची पालखी भिमा नदीवर जाणार नाही. यात्रा भरणार की नाही याबाबत भाविकांमध्ये संभ्रमाचे वातावरण होते. त्यामुळे ग्रामस्थ मंडळाने बैठक घेऊन हा निर्णय जाहिर केला. जय मल्हार यात्रा ट्रस्टीचे अध्यक्ष बबनराव शिंदे, सचिव बाबासाहेब शिंदे, पोलिस पाटील बाळासाहेब शिंदे उपस्थित होते.