पुणे : महिला चळवळीतील ज्येष्ठ कार्यकर्त्या लतिका दिवाकर गोऱ्हे (वय ८७) यांचे सोमवारी वृद्धापकाळाने निधन झाले. त्यांच्यामागे दोन मुली आणि नातवंडे असा परिवार आहे. विधान परिषदेच्या उपसभापती आणि स्त्री आधार केंद्राच्या अध्यक्षा डॉ. नीलम गोऱ्हे या त्यांच्या कन्या होत. मुख्यमंत्री एकनाथ शिंदे आणि शिवसेनेचे (उद्धव बा‌ळासाहेब ठाकरे) सचिव मिलिंद नार्वेकर यांनी लतिका गोऱ्हे यांच्या पार्थिवाचे अंत्यदर्शन घेतले.
पंढरपूर येथे जन्म झालेल्या लतिका यांचा विवाह प्रसिद्ध संशोधक व पशूवैद्यकीय तज्ज्ञ डॉ. दिवाकर गोऱ्हे यांच्याशी झाला. विवाहानंतर लतिका यांनी पदवी संपादन केली. अमेरिका, श्रीलंका, फ्रान्स, भारत अशा विविधदेशांना त्यांनी भेटी दिल्या होत्या. अखिल भारतीय महिला परिषदेच्या जळगाव आणि भारतामध्ये विविध ठिकाणी झालेल्या परिषदांमध्ये त्या सहभागी झाल्या होत्या. स्त्री आधार केंद्राच्या वर्धापनदिनानिमित्त ३ जानेवारी रोजीझालेल्या कार्यक्रमात त्यांनी भाषण केले होते. लतिका गोऱ्हे यांच्या पार्थिवावर सायंकाळी वैकुंठ स्मशानभूमीत अंत्यसंस्कार करण्यात आले.
विधानपरिषदेच्या उपाध्यक्षा डॅा. नीलम गोऱ्हे यांना मातृशोक झाला आहे. त्यांच्या मातोश्री श्रीमती लतिकाताई दिवाकर गोर्हे यांचे आज (२० फेब्रुवारी) सोमवारी सकाळी निधन झाले. राज्याचे मुख्यमंत्री एकनाथ शिंदे हे आज पुणे दौऱ्यावर आहेत. त्यांनी त्यांनी नीलम गोऱ्हे यांच्या निवासस्थानी जाऊन सांत्वन पर भेट घेतली.