जेव्हा अजितदादांना Electric Rikshaw चालवण्याचा मोह आवरत नाही; पाहा Video
By ऑनलाइन लोकमत | Published: August 28, 2021 12:09 PM2021-08-28T12:09:02+5:302021-08-28T12:09:36+5:30
उपमुख्यमंत्री अजित पवार यांनी चालवली इलेक्ट्रीक रिक्षा. व्हिडीओ झाला व्हायरल.
जेव्हा अजितदादांना Electric Rikshaw चालवण्याचा मोह आवरत नाही; पाहा Video
Next बारामती : सध्या देशात Electric वाहनांची क्रेझ मोठ्या प्रमाणात वाढताना दिसत आहे. पेट्रोल डिझेलचे वाढते दरही त्यासाठी कारणीभूत असल्याचं म्हटलं जात आहे. इलेक्ट्रीक वाहनांकडे आता अनेकांचा कल वाढत असल्यानं कंपन्याही मोठ्या प्रमाणात यात आता उतरताना दिसत आहेत. दरम्यान, राज्याचे उपमुख्यमंत्री अजित पवार यांनाही इलेक्ट्रीक वाहन चालवण्याचा मोह आवरला नाही. अजित पवार यांनी बारामतीतील पियाजो कंपनीच्या इलेक्ट्रीक रिक्षाची ट्रायल घेतली. यावेळी स्वत: उपमुख्यमंत्र्यांनी इलेक्ट्रीक रिक्षा चालवली.
शनिवारी (दि. २८) उपमुख्यमंत्री अजित पवार यांचा बारामती दौरा होता. यावेळी त्यांनी पियाजिओ कंपनीला भेट दिली. यावेळी इलेक्ट्रीक रिक्षाबाबत कंपनीच्या अधिकाऱ्यांयांनी माहिती दिली. इलेक्ट्रीक रिक्षा नेमकी चालते कशी, याचे कुतहूल उपमुख्यमंत्र्यांना देखील पडले.
जेव्हा अजित पवारांनाही इलेक्ट्रीक रिक्षा चालवण्याचा मोह आवरला नाही#ajitpawar#maharashtrapic.twitter.com/Pr7uP27tDW
— Lokmat (@MiLOKMAT) August 28, 2021
यावेळी त्यांनी या रिक्षाच्या इलेक्ट्रीक बॅटरीचे, मायलेजची चौकशी केली आणि स्वत: कंपनीच्या आवारात रिक्षा चालवून पाहिली. या घटनेचा व्हीडीओ देखील व्हायरल झाला आहे. तसेच पर्यावरण संरक्षणासाठी इलेक्ट्रीक वाहने सोयीस्कर आहेत, अशा शब्दात उपमुख्यमंत्र्यांनी कंपनीचे कौतुक केले.