मुश्रीफ यांना भाजपची ऑफर नव्हती, त्यांनी ड्रामा बंद करावा; चंद्रकांत पाटलांचा खुलासा

एखाद्याला ऑफर दिली आणि त्यांनी ती नाकारली तर ती मेरिटवर नाकारतात कुणालाही त्रास देण्याचं कल्चर आमचं नाही

ठळक मुद्देमाझं नाव घेतल्याशिवाय मुश्रीफ यांना झोप लागत नाही

पुणे : महाराष्ट्राचे ग्रामविकास मंत्री हसन मुश्रीफ यांच्या वक्तव्यानं महाराष्ट्राच्या राजकारणात चर्चेला उधाण आलं आहे. चंद्रकांत पाटलांनी मला भाजपमध्ये प्रवेश करण्याची ऑफर दिली असल्याचं ते म्हणाले होते. मुश्रीफांच्या या दाव्यावर चंद्रकांत पाटलांनी खुलासा करत प्रतिक्रिया दिली आहे.  मुश्रीफांना मी अशी कोणतीही ऑफर दिली नव्हती. त्यांनी ड्रामा करणं बंद करावं असं पाटलांनी स्पष्टपणे सांगितलं आहे. पुण्यात पत्रकारांशी संवाद साधताना ते बोलत होते. 

पाटील म्हणाले, हसन मुश्रीफांना कोणतीही ऑफर नव्हती. एखाद्याला ऑफर दिली आणि त्यांनी ती नाकारली तर ती मेरिटवर नाकारतात कुणालाही त्रास देण्याचं कल्चर आमचं नाही. मुश्रीफांनी हा सगळा ड्रामा बंद करावा असं त्यांनी यावेळी स्पष्ट सांगितलं. 

मुश्रीफ यांना सांगायचंय पॅनिक होऊन काही होत नसत. कारवाई झाल्यानं आणि घोटाळे बाहेर पडत असल्याने मुश्रीफांचा ड्रामा सुरु आहे. अमुक-तमुक करणार, माझे हितचिंतक रस्त्यावर येणार, कुठलीतरी परिस्थिती दाखवायची, मला त्यांना सांगायचंय, ड्रामा बंद करा, कायद्याची लढाई कायद्याने लढा, असं प्रत्युत्तर चंद्रकांत पाटील यांनी हसन मुश्रीफ यांना दिलं आहे.

माझं नाव घेतल्याशिवाय त्यांना झोप लागत नाही - पाटलाचं टोला 
 
माझं आंबाबाई ला साखळं आहे की मुश्रीफ बरे झाले पाहिजे, त्यांनी पॅनिक नको व्हायला हसन मुश्रीफ यांना माझं नाव घेतल्याशिवाय त्यांना झोप लागत नाही. माझ्या विरुद्ध अब्रुनुकसानीचा दावा करू शकतात. अनिल देशमुख यांच्यावर ईडीची कारवाई झाली पण ते माहिती देत देत सहकुटुंब गायब झाले. तसाच मार्ग मुश्रीफ यांच्याकडे असल्याचं ते म्हणाले आहेत.

चंद्रकांत पाटलांकडून मला भाजपमध्ये येण्याची ऑफर – हसन मुश्रीफ

चंद्रकांत पाटील हे भाजप प्रदेशाध्यक्ष आहेत. त्यांच्या जिल्ह्यात भाजप भुईसपाट झाला, हे भुईसपाट कुणामुळे झालं, तर मुश्रीफांमुळे, त्यांनी मला भाजपमध्ये येण्याची ऑफर दिली. मी त्यांना ठणकावून सांगितलं, पवार एके पवार. त्यांनी माझ्यावर इन्कम टॅक्सची धाड टाकली, आता महाविकास आघाडी प्रबळ झाली आहे. त्यांच्यासमोर भाजपला यश मिळत नाही, त्यामुळे हे सुरु आहे, असं हसन मुश्रीफ म्हणाले.