पुणे :राष्ट्रवादी काँग्रेस पक्षाचे (शरद पवार गट) शहराध्यक्ष व माजी महापौर प्रशांत जगताप यांना धमकीचे मेसेज येत आहेत. या प्रकरणी त्यांनी बुधवारी (दि. २१) गुन्हे शाखा व सायबर पोलिसांत तक्रार केली आहे. संबंधितांचा शोध घेऊन कारवाई करावी, अशी मागणीही त्यांनी केली आहे.
जगताप यांना गेल्या चार दिवसांपासून एका अनोळखी मोबाइल क्रमांकावरून धमकीचे मेसेज आले असून, ‘राजकीय भाष्य करू नये अन्यथा बघून घेऊ...!’ असा इशारा या मेसेजमधून दिला जात आहे.
राष्ट्रवादी काँग्रेसमध्ये फूट पडल्यानंतर जगताप शरद पवार गटात गेले. फुटीअगोदर ते राष्ट्रवादीचे शहराध्यक्ष होते. ते पुणे शहराचे माजी महापौरही आहेत.