राजगुरूनगर येथील एसटी बस स्थानकात भारतरत्न डॉ. बाबासाहेब आंबेडकर यांचा फोटो लावण्याची मागणी भीमशक्ती संघटनेचे जिल्हा अध्यक्ष विजय डोळस यांनी एसटी महामंडळाकडे केली होती. मात्र त्याची दखल महामंडळाचे अधिकारी घेत नव्हते. भीमशक्ती संघटनेच्या कार्यकर्त्यांनी विरोध न जुमानता डॉ. बाबासाहेब आंबेडकरांचा मोठा फोटो दर्शनी भागात अखेर लावला.
यावेळी भीमशक्ती संघटनेचे अध्यक्ष व कार्यकर्ते आणि एसटी महामंडळ राजगुरूनगर आगाराचे प्रमुख व इतर अधिकारी यांच्यात वादावादी झाली. भीमशक्तीचे जिल्हाध्यक्ष विजय डोळस यांनी आगारात आम्ही बाबासाहेबांचा फोटो लावणारच असा पवित्रा घेत अधिकाऱ्यांना धारेवर धरले. फोटोला विरोध करणाऱ्या अधिकाऱ्यांचा जाहीर निषेध करण्यात आला.लावलेला फोटो काढल्यास तीव्र आंदोलन करण्याचा इशारा भीमशक्ती संघटनेने दिला आहे. अखेर प्रशासनाने नमते घेत आंबेडकरांचा फोटो लावण्यास परवानगी दिली. फोटोचे अनावरण भीमशक्ती संघटनेचे जिल्हा अध्यक्ष विजय डोळस यांच्या हस्ते करण्यात आले यावेळी भीमशक्तीचे तालुका अध्यक्ष अनिल जाधव, सुरज मोरे, विक्रांत डोळस विक्रांत भोर, रिपब्लिकन सेनेचे महेश शिवशरण, भारतीय बौद्ध महासभेचे सिद्धार्थ कडलक आदी उपस्थित होते.
--
फोटो १७ राजगुरुनगर एसटी बाबासाहेब
फोटो ओळ: राजगुरुनगर येथील बसस्थानकांत डॉ बाबासाहेब आंबेडकर यांचा फोटो लावण्यात आला..