PMC Election: काँग्रेस स्वबळावर लढविणार पुणे महापालिका निवडणूक
By ऑनलाइन लोकमत | Published: September 19, 2022 12:22 PM2022-09-19T12:22:08+5:302022-09-19T12:25:01+5:30
पुणे शहर जिल्हा काँग्रेस कमिटीच्या कोअर कमिटीची बैठक शनिवारी काँग्रेस भवनात झाली..
PMC Election: काँग्रेस स्वबळावर लढविणार पुणे महापालिका निवडणूक
Next पुणे : महापालिका निवडणूक स्वबळावर लढवावी, अशी आग्रही मागणी काँग्रेसचे नेते आणि कार्यकर्त्यांकडून हाेत आहे. तसा निर्णयही बैठकीत घेण्यात आला. पुणे शहर जिल्हा काँग्रेस कमिटीच्या कोअर कमिटीची बैठक शनिवारी काँग्रेस भवनात झाली. यात सविस्तर चर्चा करून निर्णय घेतला गेला.
आगामी पुणे महापालिका निवडणूक काँग्रेस पक्ष स्वबळावर लढणार आहे. त्यामुळे इच्छुक व कार्यकर्त्यांनी आपापल्या भागात प्रभागाची व पक्ष संघटनेची बांधणी करण्यास सुरुवात करावी, असा निर्णय घेण्यात आल्याचे शहराध्यक्ष अरविंद शिंदे यांनी सांगितले.
गेल्या काही महिन्यांपासून प्रदेशाध्यक्ष नाना पटोले यांनी पुणे शहराकडे अधिक लक्ष दिले आहे. ते सातत्याने पुण्याचा दौरा करीत आहेत. पटोले हे शनिवारीही पुण्यात होते. त्यांच्याकडे काँग्रेसने महापालिका निवडणुका स्वबळावर लढवाव्यात, अशी मागणी केली होती.