तळेगाव ढमढेरे येथे घराच्या पत्र्यावरील तारांमुळे धोका हे वृत प्रसिद्ध होताच महावितरणने याची तत्काळ दखल घेत एक खांब टाकून या तारांना आधार दिला. यामुळे घराच्या पडवीतील खांबांवर लोंबकळणाऱ्या तारा पत्र्यापासून उंचावर गेल्या. घराच्या पडवीतील लोखंडी पत्र्यावर गेल्या दीड महिन्यापासून महावितरणच्या कर्मचाऱ्यांनी काम करण्यासाठी या तारा सैल केलेल्या होत्या. संबंधित काम पूर्ण झाल्यानंतर या तारा दीड महिन्यापासून पडवीतील पत्र्याला टेकल्या होत्या. यामुळे पत्रा आणि विजेच्या तारा यांच्यामध्ये सतत घर्षण होत होते. त्यामुळे संपूर्ण पत्र्याला पूर्णता धोका निर्माण झाल्याने कुटुंबातील जीवितास धोका निर्माण झालेला होता. संबंधित विभागाने सैल केलेल्या विजेच्या तारांना त्वरित ताण द्यावा, अशी मागणी ढमढेरे यांनी केलेली होती.
फोटो ओळ: तळेगाव ढमढेरे येथील सतीश ढमढेरे यांच्या घराच्या पडवीतील पत्र्यावर लोंबकळणाऱ्या विजेच्या तारांना ताण दिल्याने उंचावर गेलेल्या तारा.