आंबेठाण : वासुली (ता. खेड) ग्रामपंचायतीच्या पंचवार्षिक निवडणुकीत गावातील तरुणांनी केलेल्या प्रयत्नाला अखेरच्या क्षणी यश आले आणि सहापैकी पाच जागा बिनविरोध करण्यात आल्या आहेत. एका जागेसाठी दोन महिलांमध्ये सरळ लढत आहे.
बिनविरोध निवड झालेल्या जागा पुढीलप्रमाणे -
वॉर्ड क्रमांक १ - (३ जागा, सर्व बिनविरोध) १) विक्रम उत्तम पाचपुते (सर्वसाधारण), मीरा साहेबराव दहातोंडे (सर्वसाधारण स्त्री), कोमल साईनाथ पाचपुते (नागरिकांचा मागास प्रवर्ग - महिला). वॉर्ड क्रमांक दोन - (२ जागा, सर्व बिनविरोध) : दीपक खंडू लिंभोरे (नागरिकांचा मागास प्रवर्ग), रविना विशाल शेळके (सर्वसाधारण महिला). वॉर्ड क्रमांक ३ (२ जागा,एक बिनविरोध) : अशोक बाळू गावडे (अनुसूचित जमाती - बिनविरोध)
तर वॉर्ड क्रमांक तीनमध्ये मेघना रमेश घुले आणि रत्ना सुरेश पिंगळे-देशमुख यांच्यात सर्वसाधारण महिला या जागेसाठी सरळ लढत होणार आहे.
मागील वर्षीच्या पंचवार्षिक निवडणुकीत अटीतटीची निवडणूक झाल्याने ही ग्रामपंचायत चर्चेत होती.
गाव पातळीवर निवडणूक बिनविरोध होण्यासाठी पोलीस पाटील अमोल पाचपुते, मालक पाचपुते, विनोद पाचपुते, बबन पाचपुते, गोरख पाचपुते, सोमनाथ पाचपुते आदींनी प्रयत्न केले.
फोटो - वासुली (ता. खेड)येथील ग्रामस्थांसह बिनविरोध निवड झालेले सदस्य.