महसूल विभाग खेड व बजाज ऑटो यांच्या संयुक्त विद्यमाने रक्तदान शिबिर आयोजित करण्यात आले होते. तब्बल ३०७ रक्तदात्यांनी रक्तदान दान केले. या वेळी प्रत्येक रक्तदात्यास सन्मानपत्र देण्यात आले.
.महाळुंगे येथे उपविभागीय अधिकारी विक्रांत चव्हाण यांच्या मार्गदर्शनाखाली महसूल विभाग व बजाज ऑटो कंपनी महाळुंगे यांचे संयुक्त विद्यमाने आयोजित करण्यात आलेल्या रक्तदान शिबिरास अतिशय उत्स्फूर्त प्रतिसाद मिळाला बजाज ऑटो कंपनीचे कर्मचारी व स्टाफ आणि महसूल विभागातील प्रांताधिकारी यांच्यासहित, तलाठी, लिपिक, मंडळ अधिकारी, पोलीस पाटील, कोतवाल, शिबिर आयोजनाबाबत उत्तम सहकार्य मंडल अधिकारी राजेंद्र वाघ व तलाठी श्याम वालेकर यांनी केले. तसेच पुणे ब्लड बँक मधील डॉक्टर, नर्सेस, यांचे अनमोल सहकार्य लाभले. या शिबिरात बजाज ऑटो चाकणचे विभागीय व्यवस्थापक अमित गंभीर, प्रशासन व्यवस्थापक अनिल गुढेकर, वेल्फेअर अधिकारी सुयोग फुलबडवे यांच्यासह पुणे ब्लड बँकेचे डॉ. कमलेश डीबले, डॉ. तनुश्री जाधव व प्रशासकीय अधिकारी आदी उपस्थित होते.