वराळेत दुचाकीस्वाराचा संशयास्पद मृत्यू

अधिम माहिती अशी की, विनायक पानमंद हे सोमवारी ( दि. ३०) सांयकाळी दुचाकीवरुन घराबाहेर पडले होते. रात्री उशिरापर्यंत ते परत न आल्याने कुटुंबातील सदस्यांनी त्यांचा शोध घेण्यास सुरुवात केली. मात्र काही थांगपत्ता लागला नाही. मंगळवारी सकाळी १० वाजण्याच्या सुमारास वासुली ते चाकण रस्त्यावरील वराळे गावच्या हद्दीत विनायक यांचा एका बांधकामाच्या जवळ मृतदेह मिळून आला. त्यांच्या मृतदेहालगत त्यांची दुचाकी, तंबाखूचा बटवा पडलेला आढळून आला. त्यांच्या मृत्यूचे नेमके कारण स्पष्ट झाले नसल्याने पोलिसांनी आकस्मित मृत्यू अशी नोंद केली. दरम्यान पानमंद कुटुंबीयांनी याबाबत घातपाताचा संशय व्यक्त केला असून, याप्रकरणी सखोल चौकशी करण्याची मागणी केली आहे. अधिक तपास पोलीस उपनिरीक्षक डी.के.दळवी करत आहेत.